Abalang inilalagay at inaayos ni Warson ang mga damit niya na kinuha mula sa closet papunta sa maleta nito na nakapatong sa ibabaw ng kanyang kama dito sa loob ng kwarto. Puno ng lungkot ang mababanaag sa kanyang mukha. Mabagal ang kanyang kilos dahil sa totoo lang, ayaw niyang gawin ito kaya wala rin siyang gana para kumilos sa ganitong bagay.
Mula naman sa banyo ay lumabas si Warren na nagpupunas ng kanyang basang buhok. Nakabihis na siya ng t-shirt na puti at jersey short. Napatigil ito sa pagpupunas ng buhok at napatingin kay Warson at sa ginagawa nito. Pinatong ang twalya sa balikat saka kunot-noo at salubong ang kilay na tiningnan si Warson.
Naramdaman naman ni Warson na may nakatingin sa kanya kaya napatingin rin siya sa kinaroroonan ni Warren. Pilit ang naging ngiti ni Warson nan
