Naglalakad sa loob ng isang pastry shop si Warson. Tinitingnan isa-isa ang mga iba’t-ibang klase at disenyo ng cake na nasa mga estante at pumipili sa kanyang isipan. Napapangiti pa ang labi niya kapag may nakikitang maganda.
Kasabay nang pagpili ni Warson ng cake na bibilhin ay ang pag-iisip niya kung saan kukuha ng pera. Naisip niya na hindi na lang muna siya manghihingi kay Rodrigo dahil baka may isipin ito na pagsimulan ng paghihinala nito. Napabuga na lamang siya ng hininga. Hindi na rin kasi niya alam kung kailan pa aabot ang perang laman ng bank account niya.
Umiling-iling si Warson. Inalis na lamang muna niya iyon sa isipan at ipinokus ang sarili sa pagpili ng cake. Pamaya-maya ay huminto siya sa isang estante kung saan napangiti siya ng makita ang isang cake na nakuha ang kanyan
