Nakaligo at nakapagbihis na si Warson. Nakatayo siya sa harapan ng salamin habang tinitingnan ang sarili na sinusuklay ang basa pa niyang buhok.
Napatigil sa pagsusuklay si Warson at tumingin kay Warren mula sa repleksyon nito sa salamin. Dahan-dahan na sinusuklay ang basa pa rin nitong buhok habang nakatingin sa kawalan. Katulad niya, nakaligo na rin ito at nakapagbihis na ng bagong damit. Lahat ng kilos nito ay bantay-sarado niya. Mabuti na lang at hindi nito naisipang tumakas gayong siya lamang ang nagbabantay. Nawalan siguro ng lakas dahil sa kanya. Natawa tuloy siya sa isipan.
“Oo nga pala...” Napahinto si Warson sa sasabihin niya. Nakita niyang naputol sa pagkakatulala si Warren at tumingin sa kanya na poker-face lang. Huminga muna ng malalim si Warson bago magpatuloy. “Nakapag-gro
