“MAY I dance with you?”
Napaawang ang bibig ni Syrene nang tingnan niya ang nagsalita sa kanyang harapan.
It was the school mascot, the Dreamy Dragon. Isa iyong purple and white na glittery costume na kahugis ng isang cute na dragon.
Gumamit rin ito ng voice changer device sa loob kaya hindi niya mabosesan kung isa ba sa mga kaklase nila ang nang-trip sa kanya at sinuot ang mascot, o nag-hire ang eskuwelahan ng magsusuot ng mascot na iyon sa gabing ito.
“Ako?” Nakataas ang mga kilay na tanong niya rito habang tinuturo ang sarili.
“May iba pa bang magandang dilag dito sa harapan ko?”
Bahagya siyang natawa at nilingon sina Olga, Brenda, at Reina na nagsasayaw sa di kalayuan, ngunit hindi nakatingin ang mga ito sa kanya.
Sa kabilang table, narinig niya ang isang babae na bumubulo
