NATAPOS ang school year ni Syrene at hindi na muling bumalik si Clint sa Dreamland High School. Maging nang magsimula siya sa Grade 12, hindi na niya ulit ito nakita pa maliban na lamang sa social media posts at sa mga palabas nito sa telebisyon at streaming apps.
Aaminin niya na paminsan-minsan ay napapatingin siya sa Instagr*m account ng binata, ngunit palagi lang din naman siyang nagsisisi dahil palaging kasama sa posts nito si Jane Ramirez at hindi niya maipaliwanag kung bakit parang tinutusok-tusok ang puso niya kapag nakikita ang mga iyon samantalang dati ay nakikita niya si Clint na may iba’t ibang babaeng kasama sa personal.
Mas lalong namayagpag ang tambalang Clint at Jane na kung tawagin ng fans nila ay Clintane. May usap-usapan pa nga na tuluyan nang nagkaroon ng relasyon an
