NAPABUGA ng hangin si Clint nang tumalikod siya para bigyan ng privacy si Syrene doon sa bukal. Hindi siya makapaniwalang ginagawa niya ang lahat ng iyon para sa dalaga.
He’s currently the hottest actor in the country, for Pete’s sake! Pero heto siya ngayon, yakap-yakap kagabi ang isang teenager na isa sa pinakaiinisan niyang mga tao sa buong mundo, dinalhan ito ng pagkain, at binuhat-buhat niya pa kung saan nito kailangang magpunta.
Sa dami ng role na nagampanan niya sa pelikula, ngayon lang siya gumanap ng role na baby-sitter.
May parte ng utak niya na nagsasabing hayaan na lang ang babae. Tutal, ito naman ang nagsabi kahapon na magkanya-kanya sila ng parte sa isla at hindi papakialaman ang isa’t isa.
But he was still human. May konsensiya naman siya kahit papaano. Nang makita ni
