NAIYAK si Syrene nang makauwi siya sa bahay dahil sobrang nag-alala sa kanya sina Jenson at Xia. Umiiyak ang mga itong yumakap sa kanya. Buong akala raw ng mga ito ay hindi na rin siya babalik kagaya ng mga magulang nila.
Nang humupa na ang mga emosyon nila, tinanong niya kaagad si Jenson kung may tumawag sa cellphone nito dahil number ng kapatid niya ang binigay niya kay Ms. Vee. Naiwan niya sa barko ang lahat ng kanyang gamit kabilang na ang cellphone at professional camera.
“Wala, Ate. Bakit?”
Umiling siya. Baka busy pa si Clint. Baka may pa-welcome party ito or press conference.
“Pahiram na lang muna,” aniya kapagkuwan. “Tatawagan ko lang si Carrie.”
Nasa Manila na rin ito ngayon dahil doon nag first year college. Tuwing umaalis siya ng mahigit isang araw ay pinapaalam niya sa
