NANG gumaling na ang sugat ni Syrene sa paa, pinuntahan niya kaagad ang main office ng cruise ship kung saan nalaglag siya kasama si Clint. Naiwan niya ang lahat ng mga gamit niya sa cabin doon. Wala tuloy siyang magamit na cellphone at camera. Pati mga ID niya ay nandodoon din.
“Ma’am, wala pong sinurrender na kahit na anong gamit dito sa main office. Kung gusto n’yo po, maupo muna kayo at tatagawan ko ang barko.” Tinuro ng receptionist ang nakahilerang mga upuan doon sa lobby.
Tumango lamang siya at naupo na. Ilang minuto ang nakalipas, tinawag ulit siya ng receptionist.
“Ma’am, ang sabi ng staff sa barko, kinuha na raw po ng Vera Artists Agency.”
“Ha?” Kumunot ang noo niya. Bakit naman kukunin ng agency na nagha-handle kay Clint ang mga gamit niya eh hindi naman siya hawak ng mga
