"Samantha..." kaway ni Ruth ng isang kamay na nakaupo sa kubo, "Dito!"
Malawak akong ngumiti habang papalapit sa kanila. Kahit na gusto ko ng umiyak ay ngumiti pa rin ako upang pagtakpan ito.
"Marami kang nakuhang cheesa?" si Clare.
"Oo," tugon kong binuksan ang bag upang ipakita sa kanila ang aking mga dala.
"I cling wrap natin mamaya." nakangiting saad ni Dave, "Tapos ilagay natin sa ref para hindi agad na masira."
Tumango ako at saka muling pilit na ngumiti. Naglakad na rin ako patungo sa kinauupuan ng dalawa kong kaibigan.
"Si Timothy at Violet?" baling ni Krux sa akin.
"Nasa huli pa," tugon kong natatawa. "Mukhang may love quarrel."
"Kailan ba sila hindi nag-away na dalawa?" natatawang tanong ni Dens.
"Parang kanina lang," tugon ni Dave. "Noong kumakain kayo ng prutas." dagda
