Nagising ako kinaumagahan nang may nag-aalborotong tiyan. Walang humpay itong kumukulo na dinaig pa ang aking alarm sa umaga. Naramdaman ko ang bahagyang panghahapdi ng aking balat sa dalawang braso. Iika-ika akong bumangon, halata sa katawan ang labis na panghihina. Kapwa pa humihilik si Ruth at Clare. Nang tingnan ko ang oras sa aking hawak na cellphone ay alas singko palang.
Maingat akong lumabas ng kwarto at hindi na nahiyang pumunta ng kusina. Nakarinig ako ng munting ingay dito. Sa pagpasok ko palang ng pintuan ay agad nang humahalimuyak ang bango ng sinangag. Ang amoy ng bawat sangkap na bahagyang nasunog ay walang awang sa ilong ko ay nanunuot. Agad akong humila ng upuan sa ilalim ng mesa. Hihingi nalang ako ng pasensiya mamaya sa kasambahay nila.
"Pasensiya na po," pag-agaw ko
