HINDI NA nagawa pang lumabas ng opisina ni Georgina dahil sa pag-iisip. Naiwan siya sa loob ng kaniyang opisina nang lumabas si Calixta upang asikasuhin ang nangyari sa pagkawala ng malaking pera ng kanilang kumpaniya. Ngayon ay magulo na ang kaniyang isip, mas lalo pa itong nagulo dahil hindi siya natuloy sa tangkang pagpunta sa Lancheon Hotel upang makausap si Marcial. Sunod-sunod na ang nangyayari sa kanilang magkakapatid, at bakit tila ngayon ay nadadamay na silang lahat ng mga pangyayari?
Napahilamos na lamang siya ng palad sa mukha. Hindi siya sanay na maipit sa isang sitwasyon nang hindi niya kilala kung sino ang totoong maysala sa nangyayari o kahit na kaunting kaalaman man lamang sa nilalang na ito nang sa ganoon ay makakilos siya o sila ng kaniyang mga kaptid ng maayos at makal
