"Care to tell us, who is the mystery man?"
"Secret."
Natawa si Patricia nang mukhang napikon si Julia sa naging sagot niya. Isa rin itong aktres na gaya niya at isa sa mga malapit na kaibigan niya. Nakita pala siya nito.
Kanina pa kasi ito nangungulit sa kaniya sa pagtatanong kung sino raw ang nakita nitong kasama niya noong isang araw sa mall.
Tinawag daw siya nito ngunit hindi siya lumingon. Ang totoo ay hindi talaga niya narinig ito. Iniisip tuloy nitong iniiwasan niya ito.
Kasama niya si Kahl-el noong araw na iyon. Nagshopping siya at nagpasama siya rito. Gustung-gusto niyang parating kasama ito. Mukhang wala naman itong reklamo. At napa-flatter siya na gumagawa ito ng paraan upang magkasama sila sa kaalamang abala rin ito sa trabaho nito. Hindi biro ang mamahala ng isang korporas
