"I would drop by next week, Pinky. Okay, see you!"
Nang pindutin niya ang end button sa kaniyang cell phone ay nakangiting humarap siya kay Kahl-el. Naroon ito ngayon sa kaniyang bahay. Ang sabi nito sa kaniya, dahil daw buong linggong abala at pagod siya sa kaniyang sunod-sunod na shooting ay nagsuggest ito na ito naman ang pupunta sa kaniyang bahay para ipagluto siya at matiyak na kakain siya sa tamang oras. But it was part lie. Hindi pala ito marunong magluto bagkus ay panay take out ang foods na bitbit nito. She didn't mind. Basta masaya siyang naroon ito.
Ang bahay niyang kadalasang nakakainip kapag siya lamang mag-isa ang naroon, biglang parang lumiit dahil sa presensiya nito.
"Who was that?"
"My manager. Hindi ako makapaniwala. Apat na taon na pala mula nang pumirma ako ng kontr
