مُغَيّرَتي

الخامس " بداية حب " ?

ٱتعلم حقاً ما هُي مشكلتك ،ٱنك لا تأَتي و لست بِراحل و لم تَسمح لي بنَسيانك و لم تكَون بقَربي ٱبداً ..?

________________________________

دخل راجلين الشقه وهما بيدوروا عليها

١ : اطلعي ي قطه متخافيش احناا بس هناخد حق الراجل اللي اتجرأتي ومديتي ايدك عليه واحنا مبنسبش حق حد

ملك اول م سمعته مفكرتش كتير وقامت صوتت و جرت بعيد عشان محدش يشوف سلمي ويعملها حاجه وهي ملهاش ذمب

الاتنين جروا وراها وجابوها من شعرها وهي بتصوت

ملك : ابعدوا عني انا معملتش حاجه حرام عليكوو

وف نغس الوقت مراد وسليم وصلو برا وشافو العربيات والاتنين اللي واقفين

مراد بخوف : اكيد عملو فيها حاجه ي ولاااد الكلب والله م هسيبهم

سليم : اكيد في غيرهم جواا تعالي نستني الرجاله

مراد : رجاله اي انا هدخل لملك مش هستني لما تضيع

اتحرك مراد من جمب سليم بالراحه لحد م وصل للاتنين اللي واقفين ع الباب وبسرعه خبط واحد بحديده كانت ع الارض والتاني قرب من مراد وكان هيض*به بس سليم اجا من وراه ولف رقابته بحركه احترافيه والراجل وقع ومات ف نفس الثانيه

مراد اتحرك ودخل البيت بالراحه وشاف الراجل ماسك ملك من شعرها وهي بتعيط ولسا بيمد ايده عليها مراد جري عليه وخبطه وملك طلعت تجري تستخبي وهي مرعوبه

الاربعه بيض*بو ف بعض سليم ومراد بيض*بو ف الحارسين اللي حجمهم ضعف حجم سليم ومراد اللي ميجوش جمبهم حااجه

الحارس كتف مراد بإيده و ض*به براسه ومراد وقع ع الارض ولمح ملك بتعيط

مراد بهمس : متخافيش .. انا جمبك

الحارس قرب من مراد ولسا هيض*به .. مراد قام بسرعه وفضل يض*ب فيه ومسك حبل كان مرمي ع الارض ولفه حوالين رقابته لحد م اتخنق

مراد جري ع ملك

مراد بخوف : انتي كويسه .. حد عملك حاجه

ملك : لا انا كويسه... انت كويس !!

مراد اتن*د وحضنهااا جااامد وكإنه خاايف يطلعهاا براا حضنه وهي استغربت بس استسلمت ف حضنه

سليم اجا وراه : خليك انت عمال تحضن وانا طالع عيني براا .. كانت صحوبيه منيله بنيله

مراد بعد عن ملك وبصلها : بمناسبة الصحوبيه فين صحبتك دي

ملك افتكرت سلمي وقامت تجري ع الاوضه لقيتها مستخبيه ورا السرير وبتعيط

ملك حضنتها : سلمي انتي كويسه !!

سلمي : ااه انا كويسه .. عملولك حاجه

ملك : لا الحمد الله مراد وسليم وصلو ف الوقت المناسب

دخل سليم ومراد الاوضه

سليم : اي داا هو القمر ساب السماا ونزل ورا السرير ولا اي

مراد : الله يخربيتك اي اللي انت بتقوله ده هتفضحناا

سليم بهمس : اعمل اي صحبتهاا حلوه اوي .. جوزهالي والنبي

مراد بصوت واطي : الله يفضحك امسك نفسك

ملك : في حاجه ي مراد

مراد : هااا لا ابداا انا بس بقول الحمد الله انكوا كويسين .. ملك انتي مينفعش تفضلي هنا مش امان ابداا انتي هتيجي معاايا البيت

ملك : طب وسلمي

سليم بهيام : هتيجي معايا انا

مراد خبطه بدراعه بسرعه خلاه يسكت

مراد : طبعاا لو حابه تيجي مفيش مشكله بس هي اصلا مفيش عليها خطر هما عيزينك انتي مش هي

ملك بحزن : بس انا عيزاها معايا .. عشان خاطري ي سلمي تعالي معايا

سلمي : مينفعش ي ملك روحي انتي مع جوزك

سليم : طب انا عندي حل يرضي الطرفين

مراد : استتر ي رب

سليم : انتي تبيعي البيت ده ومراد يشوفلك بيت جديد جمبي

مراد خبطه وكح : احححمممممم

سليم بسرعه : اقصد جمبناا يعني.. م انا كمان ساكن جمب مراد .. اي رأيك ي مراد

مراد : والله انا معنديش مانع اللي تشوفه وهمس لسليم .. مهو كله لمصلحتك ي ابن السعدني

سليم : خليها ف سرك بقاا

__________________________

ف الشركه

سليم : عملت اي مع رجالة الراجل ده ي مراد

مراد بقسوة : لفيتهم هديه وبعتهومله

سليم : يعني اي

مراد : يعني زمانه دلوقتي بيستلم اجزاءهم

____________

ف المستشفي

دخل الحارس الاوضه

١ : في صندوق جااي لحضرتك ي صابر باشا

صابر : صندوق اي هاته

دخلو الصندوق والحارس وقف بخوف

صاابر : م تفتح الصندوق انا هتحايل عليك

الحارس فتح الصندوق ومن الخضه والرعب وقع ع الارض وفضل يزحف بخوف

صابر بخوف: ااااااييييي ...ددده صووااببعع مين دي

الحارس : الرجاله اللي بعتناهم للبت اياها مرجعوش ي بااشا وجتلنا اخبار انهم معتش باينلهم اثر

صابر : يعني اي ... هات الورقه دي كده ...

صاابر اخد الورقه اللي كانت ف الصندوق وبدأ يقرأ

" دي اخرة اللي يتجرأ ويمد ايده ع حاجه تخص مراد السيوفي جبتلك ايديهم هديه المره الجايه هجيب راسك انت ف نفس الصندوق .. قول ان شاء الله "

صاابر قعد ع السرير بتوهان : مراد السيوفي !! واحده زي دي عرفته ازاي ده مبيرحمش حد .. ابعدوو عنه مفهوم

الرجاله : مفهوم ي بااشاا

________________________

ملك نقلت كل حاجاتها ف بيت مراد وهتبدأ حياتهاا الجديده من هناك وسلمي باعت البيت واشترت بيت جمب مراد وسليم وبقوا ال ٣ جمب بعض

ف اوضة مراد

ملك كانت بترتب هدومهاا ف الدولاب ودخل مراد

مراد : انا رايح انام .. تصبحي ع خير

ملك : انت مش هتنام هناا !؟

مراد : هاا...لا انا ف الاوضه اللي جمبك ..

ملك قربت منه : ليه ي مراد ..فهمني

مراد بعد عنها : احنا محتاجين وقت ..كل حاجه هتحصل ف وقتهاا وصدقيني كده احسن ليكي

ملك : طيب براحتك ... وانت من اهله

خرج مراد وملك مش فاهمه هو ليه بيتعامل معاها كده وليه دايما حساه بعيد بس قررت تسمع كلامه وتسيب كل حاجه لوقتها

_________________________________

تاني يوم

ملك صحت وغيرت هدومها ونزلت فطرت مع مراد ف جو هادي ومتكلموش وخرجو سواا ومراد مستغرب سكوتهاا

مراد : ساكته ليه

ملك : عادي .. بحاول اسيبك تاخد وقتك

مراد وقف وبصلها : ملك انا مكنش قصدي كده ..انتي مش فاهمه .. انا مش ..عاايزز....ات.....

ملك : سكت ليه

مراد مشي : ولا حاجه يلا عشان منتأخرش

وصلوا الشركه وكالعاده ملك قاعده مش بتعمل حاجه واي ورق بيدخل ل مراد ع طول

ملك وقفت ودخلت لمراد وحطت قدامه ورقه

مراد : اي دي

ملك : استقالتي

مراد : ليه

ملك : عشان انت مش محتاج سكرتيره ي مراد انا مبعملش حاجه وبصراحه انا مش مرتاحه للشغل ده انا مش فاهمه ومش عايزه افهم .. انا موجوده ف البيت واقدر اظبطلك مواعيدك وورقك من البيت كزوجه ليك .. بعد اذنك

خرجت ملك وروحت البيت وبتحاول تطرد الاحساس الغريب اللي عندهاا

_____________________________

عند سلمي

الباب بيخبط .. فتحت لقت سليم واقف وف ايده اكياس كتير

سلمي : خيير ي استاذ سليم واي الاكياس دي

سليم : طب هتسيبيني واقف كده شيلي عني

مسك سلمي الاكياس ودخلته

سليم : انا قولت انتي لسا ناقله جديد واكيد لسا مظبطيش حاجه ومعندكيش اكل فقولت اجبلك شوية حاجات ونتغدي سواا

سلمي باستغراب : طيب ثواني احضر الاكل

دخلت سلمي المطبخ وبدأ تحط الاكل ف الاطباق

دخل سليم وبيسألها : اومال انتي اهلك فين ي سلمي

سلمي : مسافرين وانا بدرس هنا ف كلية الطب

سليم : طب كويس معانا دكتوره .. اصل انا بتعب كتير اوي

سلمي : اكيد لو احتاجت حاجه انا موجوده...يلا ناكل

قاطع كلامهم الباب وكانت ملك

سلمي : تعالي ي ملك ده سليم هناا وكنا هناكل تعالي كلي معانا

ملك : ازيك ي سليم

سليم : الحمد الله تعالي اقعدي

سليم بصوت واطي : اي الحظ ده

قعدو التلاته ياكلو ف هدوء

ملك : قولي ي سليم هو ليه مراد مبيرضاش حد يشوف اي ورق ليه علاقه بالشغل ..

سليم بإرتباك : اااا....اااصل هو....مبيحبش حد...يعرف عنه حاجه

ملك : بس انا مراته مش حد

سليم قام وقف : مش عارف ي ملك ابقي اتكلمي معاه ... يلا انا شبعت عن اذنكوو

خرج مراد من البيت واخد نفس طويل وكلم مراد

سليم : خف شويه ي مراد مراتك شاكه فيك

مراد : انا ملاحظ بردوو .. عموما احنا هنوقف الشغل فتره كده

سليم : طب اي رأيك نطلع اي حته كلنا

مراد بخبث : كلنا مين يعني

سليم : انا وانت ومراتك ووو

مراد : وسلمي مثلاااا

سليم بضحك : مثلاا

مراد : حلوو ده جهز كل حاجه وبلغني

________________________________

سلمي : مالك ي ملك

ملك : مش عارفه ي سلمي عندي احساس غريب مش بيروح

سلمي : سلِمي امرك لله ي حبيبتي وهو هيريح بالك

ملك : يااارب .. يلا انا همشي

_____________

بليل ف اوضه ملك

مراد فتح الباب ودخل

مراد : ازيك

ملك : الحمد الله .. احضرلك العشاا

مراد : لا انا كلت مع سليم

ملك مشت للسرير : طيب .. تصبح ع خير

مراد : هتنامي دلوقتي !!

ملك : عايز حاجه مني

مراد : لا بس ....تعالي نقعد ف التراس نتكلم شويه

ملك : حااضر

مراد : هدخل اخد دش واغير هدومي وهاجي

دخلت ملك قعدت ف التراس والدنياا كانت برد جداا مراد اخد دش وغير واخد معاه شال ودخلها وحط الشال عليها وقعد جمبهاا

مراد : اتكلمي

ملك : هتكلم اقول ايه .. انت اللي تتكلم

مراد اخد نفس طويل : اسمعي .. انا طول عمري عايش لوحدي .. عايش لشغلي وبس .. عمري م حبيت ف حياتي عمري م دخل حياتي واحده ست فأنا محتاج وقت بس اتعود ع الوضع مش اكتر .. وبالنسبه لشغلي انا مبحبش حد يعرف عني حاجه انا كده طول عمري وده طبع فياا .. انا بس عايزك تستحمليني شويه لو مش انتي اللي هتستحمليني مين هيستحملني

ملك بصتله بحب : طبعاا ي مراد .. انا فهماك ومعاك للأخر بس انا مختلفه عنك .. انا حاسه معاك احساس حلو اووي انا من يوم م اتولدت محستش بالأمان غير من يوم م عرفتك اتولدت مع اب بيكرهني مبيعملش حاجه غير انه بيطلب فلوس يسهر ويشرب بيهاا وقدام عيني .. وعيت ع الدنياا من غير ام وعيت ع ض*ب واهانه من ابويا مشوفتش يوم حلو غير معاك انت بالنسبالي الامان ي مراد ..

مراد قرب منها وباسها بحب وحس احساس اول مره يحسه وهي بادلته ولفت ايديها حوالين رقبته .. وبعد فتره قصيره بعد عنهاا وبصلهاا بحب و قام وقف وشالها ودخلها ع السرير

مراد باس دماغها : تصبحي ع خير

وقام من ع السرير

ملك مسكت ايده : خليك هناا انا بخاف وانا لوحدي ..

مراد بصلها : اومال كنتي بتنامي ازاي ف بيتك

ملك : كنت بسيب النور مفتوح ع طول

مراد دخل جمبهاا وقرب منها : متخافيش .. انا معاكي

وبعد فتره ملك نامت ومراد فضل باصصلها

مراد : ياتري ي ملك اي اللي هيحصلناا .. انا بحاول ابعد عنك بكل الطرق بس مش عارف .. انتي بتشديني كل م ببعد .. خايف ي ملك ..

يا تري هتعملي اي لو عرفتي

___________________________

ونكمل البارت الجاي

توقعاتكم

#شهد_محمد❤

يا تري مراد مخبي ايه .. واي هي الحاجه اللي خايف ملك تعرفها..!؟