مُغَيّرَتي

الفصل السادس " غلط" ?

الكتَمان : أشبَه بـَ النزيف الدَاخلي لايلاحظهُ أحَد ، وَ لكن ألمَه داخلي يُرهق صَاحبه حد الهلَاك ..!?

____________________________________

تاني يوم صحت ملك وحاسه بتقل ع جسمها

فتحت عينها وشافت مراد نايم عليهاا وماسك فيها جامد زي الطفل

ملك ضحكت وفضلت بصاله وبتمشي ايديها ع وشه وتلمس شعره

ملك : اول مره احس الاحساس ده .. اول مره احس ان انا عايشه

مراد فتح عينيه وبصلها : عايزك تنسي كل اللي فات وانا هعوضك عن اي حاجه وحشه حصلتلك

ملك ضحكت : انت مكنتش نايم

مراد : حد ينام وهو جمبه القمر ده .. يلا بقاا قومي عشان محضرلك مفاجأه

ملك : مفاجأة اي ؟

مراد : البسي يلا واجهزي وحضري شنطنا وانا اقولك

ملك : شنط ليه ! وهنروح فين

مراد : ي ملك ده انتي رغايه يلاا بقاا

ملك : حاضر هاخد دش واحضر كل حاجه .. بس قولي احضر هدوم لكام يوم

مراد : اسبوع كده

ملك : هنروح فين الاسبوع ده

مراد : يادي النيله .. بصي ي ملك انا عارف انك مش هتسكتي انا غلطاان اني عايز افاجأك بصي ي ستي انا اخدت اسبوع ف شرم هنروح كلنا انا وانتي وسليم وسلمي .. هااا كده عرفتي وهديتي !

ملك حضنته بفرحه : الله .. ربنا يخليك ليااا

مراد ابتسم وحضنهاا : ويخليكي ليا ي ملاكي

ملك بعدت وبصتله : ملاكك !؟

مراد : ايوه .. عندك مانع

ملك : لا بالع** عجبني اووي

مراد : طب يلا عشان منتأخرش هروح اخلص كام حاجه ف الشغل واجي تكوني خلصتي

خرج مراد من البيت. ملك حضرت الشنط وجهزت كل حاجه وكلمت سلمي وبقوا مستعدين

____________________________

ف الشركه

مراد قاعد مع سليم

مراد : هيتحركو امتاا

سليم : ع بكره بليل .. مالك قلقان ليه هي اول مره !

مراد : مش عارف... العربيات جهزت وكل حاجه تمام ؟

سليم : ايوه ي مراد وانا شوفتهم بنفسي

مراد : لو حصلت اي غلطه هنروح ف داهيه

سليم : متقلقش

مراد : طب يلا عشان نلحق نسافر قبل م الدنيا تليل

_________________________________

خرج مراد وسليم ووصلو للبيت واخدو سلمي وملك وطلعو ع شرم

طول الطريق سلمي نايمه وملك بتاكل

مراد : اي ي ملك اكلتي ٥ سندوتشات وداخله ع السادس مالك !

ملك : انت بتعدهم عليا ي مراد

مراد : لا ي ملاكي كلي براحتك

ملك : هنوصل امتا انا تعبت

مراد : ساعه بالكتير

ملك : طب خلاص انا هنام وابقا صحيني

نامت ملك وبعد ساعه مراد صحاها وكانو وصلو الشاليه بتاعهم

ملك : الله البيت حلو اووي ي مراد

مراد : احنا هناخد الاوضه اللي فوق ع اليمين وسلمي تختار الاوضه اللي تعجبها

ملك : طب وسليم

مراد : لا ده نرميه ف الجنينه عادي

ملك : طب ليه البيت في اوض كتير

مراد حط ايده ع كتفها ومشي بيها : بقولك اي انا تعبان وعايز انام هما مش عيال صغيرين .. هيعرفو يتصرفو يلا بينا احنا

سليم دخل وشاف سلمي محتاره

سليم : مالك

سلمي : مش عارفه اخد انهي اوضه اللي ع اليمين ولا الشمال .. اخدها تحت ولا فوق

سليم : احمم بماا ان مراد اخد الاوضه فوق احنا ناخد تحت عشان يعني يبقوو براحتهم ولا اي رايك ..

سلمي : ايوه عندك حق خلاص انا هاخد الاوضه اللي تحت ع اليمين دي

سليم : وانا لازق ف اللي جمبك

سلمي : نعم!!!

سليم : احممم اقصد يعني انا هاخد الاوضه دي

سلمي : طيب انا هنام بقاا لاني تعبانه

سليم : تنامي ايي اومال مين اللي كان نايم طول الطريق .. امي !!!!!

سلمي : م انا مكنتش مرتاحه يلا تصبح ع خير

سليم : وانتي من اهل الخير ي اختي .. قال مكانتش مرتاحه قال .. اومال لو ارتاحتي كنتي مددتي علينا واحناا قاعدين !!

ي حظك الاسود ي سليم ..

__________________________________

ف نفس اليوم

مراد قام من النوم بالراحه واتسحب ونزل لسليم الجنينه

مراد : سليم .. هاا الناس اتحركت

سليم : ايوه ي مراد لسا قافلين معايا

مراد : طيب تمام .. قولي صحيح اخبار اختك اي

سليم : كويسه .. هترجع قريب

مراد : اخيرا اعمامك سابوها

سليم : كده احسن انا مكنتش هعرف اربيها لوحدي والحمد الله لما شغلنا كبر بقيت ابعتلها فلوس ع طول

واطمن عليها والحمد الله انا وضعي كويس فقولتلها تيجي تكمل دراستها هناا جمبي

مراد : خير م عملت

سليم : بس انا خايف ي مراد .. خايف تتأذي .. مش هقدر استحمل

مراد : متخافش مش هيحصل حاجه

سليم : تعالي نرجع عن الطريق ده ي مرااد

مراد وقف بعصبيه : احناا اتكلمناا ف الموضوع ده قبل كده وقولتلك متفتحوش تاااني ي سليم انا هفضل كده هفضل زي م انا

سليم بزعيق : ليييه ي مراااد احنا اخدناا اللي احنا عيزينه ليه منرجعش بقاا كفاايه لحد هنااا

مراد : لا ي سليم دي الطريقه الوحيده عشان اكبر الطريقه الوحيده عشان محدش يدوسلي ع طرف

الفلوووس ي سليم الفلوس هي كل حااااجه افهم ...

سليم : تبقاا غلطان ي صاحبي لو فكرت ان الفلوس كل حاجه تبقاا غلطااان لو فكرت ان الفلوس ممكن تنسيك .. مهما كبرت وبقا معاك فلوس هيفضل ماضيك اللي بتحارب عشان تنساه وراااك وهو اللي بيحركك ...

خرج سليم وساب مراد قاعد بيفكر ف كلامه

____________flash back ______________

مراد فضل يلف مش عارف هيروح فين لحد م في ناس شافوه وصعب عليهم اخدوه ودوه ملجأ

وهناك اتعرف ع سليم اللي اعمامه دخلوه الملجأ بعد موت امه وابوه واخدو اخته يربوها

وبقوا صحاب اووي

مراد : عارف ي سليم انا بعد الايام عشان اخرج من هناا وافتح الشركه اللي انا عايزهاا واقف ع رجلي انا معايا فلوس هاخدها اول م اخرج من هناا

سليم : طب اي رأيك نبقاا شركااا انا كمان هدخل بورثي من ابوياا هاخده اول م اخرج

مراد : تفتكر الدنياا هتسيبنا ف حالنا ي سليم

سليم : الدنيا دي مبتجيش غير ع اللي زينا

مراد بنبره مرعبه : بس والله لهاخد اللي انا عايزه وهقف ع رجلي وهرجع لابوياا وهاخد حقي منه انا وهو والزمن طويل وطول م انا واقف ومعايا فلوس كل الدنياا هتبقاا تحت رجلي وبكره تشوف...

سليم : ي خوفي من بكره ده ...

مراد وسليم تمو السن القانوني وخرجو من الملجأ وقرروا يبدأوا حياتهم الجديده مع بعض وحلفو انهم هيقفو ف وش الدنياا وهيكبرو مهما كان التمن غالي ...

____________________________________

مراد فاق وطلع لملك

ملك : اي ي مراد كنتو بتزعقوو ليه وشكلك زعلان

مراد : مفيش شويه مشاكل ف الشغل

ملك : ان شاء الله كل حاجه هتتحل بس متخليش اي حاجه تفرق بينك وبين صاحبك

مراد : متعرفيش احنا اتمرمطنا وتعبنا قد اي عشان نوصل للي احنا فيه كنا بنام ف الشركه اللي كانت مكان شبه مهجور حطينا فيها كل فلوسنا بقينا ننام من غير اكل عشان نوفر الفلوس .. تعبنا عما عملنا اسم وبقاا عندنا زباين وفلوووس ..مستحيل اضحي بكل ده عشان اي حاجه ف الدنياا ..مستحيل

ملك حست احساس غريب من كلام مراد مش فاهمه هو قصده اي

ملك : بس مهما كان ي مراد دي ف الاخر فلوس والفلوس مش كل حاجه .. الفلوس متساويش حاجه قصاد سعادة بني ادم

مراد وقف وزعق : لاااا الفلوس كل حاااجه من غير فلوس مش هنعرف نعيش..من غير فلووس كل الناس هتدوس علينا...من غير فلوس الدنياا هتلطش فيناا من غير فلوس هنبقاا عبيد عند الناس الفلوس بتقوي الفلوس بتسند لو مكناش اقوي هنض*ب ونتهان ونتذل .. زيك كده وزي ابوكي بالظبط

ملك بصدمه : انت بتقول اي ي مراد .. انت ازااي بتفكر كده انت جبت الحق ده منين .. مين اللي اداك الحق ان الفلوس كل حاجه مين اللي قالك ان الفلوس بتشتري السعاده لو الفلوس كانت كل حاجه زي م بتقول كنت هربت و روحت بيعت نفسي من زمان عشان اجيب الفلوس اللي بتقول عليها دي لكن لا الدنياا زي م فيها الحلو .. فيها الوحش والمُر المهم تبقاا راضي وربنا راضي عنك .. ولو ربناا مش راضي عنك ي مراد عمرك م هتلاقي راحه .. راحة البال ي مراد مبتتشراش ولو بكنوز الدنياا في حجات كتير مبتتشراش ي مراد

مراد : كل حاجه بتتشراا ي ملك .. كل حاجه قوليلي حاجه وحده مقدرش اجبهاا

ملك : الحب ي مراد .. الحب متقدرش تشتريه الامان والدفاا والحناان اللي بتحس بيهم لما تحب مبيتشراش .. وصدقني الحب ده لو لقيته وضيعته منك هتفضل طول عمرك عايش زي الميت .. وافتكر كلامي ي مراد

ملك خرجت من الاوضه ومراد قعد ع السرير ماسك راسه بإيده ومغمض عينه

مراد : ي رب انا مبقتش عارف الصح من الغلط بس اللي اعرفه ان مستحيل ارجع مستحيل اضيع كل ده لازم ابقاا اقوي واقوي زي م قالتلي

________________________________

ونكمل البارت الجاي

شهد_محمد❤

مراد وراه ايه !؟ وليه بيعمل كده !!