مُغَيّرَتي

‏أتعلمون ماهو الألم : هو أن تصنع لك الحياة حياة انت لا تُريدها ..? ____________________________________ نبدأ روايتنا ف حاره وف بيت متهاكل وقايل للسقوط .. الاب بيصحي بنته / انتي يختي قوومي اصحي انجري حضريلي الفطاار اخلصي .. ملك بتعب / طيب قومت اهوو ي بابا حااضر نقف لحظه ... ملك حسين الشهاوي / بنت رقيقه جداا وجميله شعرهاا اسود .. ملامحها جميله جداا بس غالبها الحزن ع طوول عندهاا ٢٢ سنه مامتها اتوفت وهي بتولدهاا ومن يومها وهي عايشه مع باباها لوحدهم .. بتشتغل جرسونه ف مطعم وبعد م بتخلص بتشتغل شيفت ايضافي عشان تكفي طلبات ابوهاا اللي كل يوم بيهينهاا عشان شغلها مبيكفيش الفلوس اللي عايزها عشان يشرب بيهاا .. حسين الشهاوي / عنده ٥٥ سنه مراته اتوفت وهي بتولد بنتهم الوحيده .. انسان اناني .. بيشرب وبيسهر كل يوم .. بيحب الفوس اكتر من اي حاجه وعنده استعداد يعمل اي حاجه مقابل فلوس كان شغال موظف عادي بس اطرد بسبب الشرب و سمعته اللي زي الزفت و بسبب الستات اللي بيجبها البيت قدام بنته نرجع تااني ... حسين خرج من الاوضه / يلا يختي مش كفايه مجبتليش امبارح غير ٢٠٠ ج بس ملك وهي بتحط الاطباق ع السفره / اعمل اي يعني م صاحب الشغل مرضاش يسلفني غيرهم حسين مسك ايدها بزعييق / تتصرفي ي روح امك انا ماليش فيه ملك بوجع / حااضر ...حح..حاااضرر سيبني حسين / انا عندي سهره النهارده ترجعيلي بقدهم مرتين عشان اعرف اسهر بمزااج كده ملك بدموع / حااضر حسين / غوري من وشي يلا... غوري خرجت ملك من البيت وفضلت ماشيه تفكر وتعيط .. ليه بيحصل معاها كده .. ليه من يوم م اتولدت مشافتش فرح .. مفيش غير الهم طب ليه ابوها بيعمل فيها كده ملك بحزن / ي رب اعمل اي ي رب ي رب انا مليش غيررك الدنياا سااعدني ي رب .. مشت ملك وراحت بدأت شغلها زي كل يووم ولما بتخلص بتدخل تاخد شيفت ايضافي وتغسل الاطباق عشان تزود ف مرتبهاا ومبترجعش غير نص الليل ______________________________________ ف ڤيلا كبيره ف كومباوند هادي الشغاله بتخبط ع باب الاوضه / ي استاذ مرااد ... ي مراد باشا .. الساعه ٧ مراد بصوت نايم / تمماام صحييت حضريلي الفطاار الشغاله / جاهز ي بيه مراد وهو بيقوم / ماشي روحي و انا نازل وراكي نقف لحظه ... مراد السيوفي / ٣٠ سنه وحيد ... عنده شركه كبيره لاستيراد قطع الغياار .. غامض .. الكل بيخاف منه .. مبيحكيش سره ابدآ لحد ... دايماا بيحب يقعد لوحده .. عنده صاحب وحيد ويعتبر ده اقرب حد ليه .. عمره م حب ولا فتح قلبه لحد دايماا شايف ان شغله اللي محدش يعرف عنه حاجه اهم بكتير .. نرجع تااني.. مسك موبايله وكلم صاحبه سليم .. مراد / كله تمام سليم / ايوه ي مراد وصلت وكله تمام زي كل مره نقف لحظه .. سليم السعدني / ٣٠ سنه الصاحب الوحيد لمراد مامته وباباه اتوفوا من زمان ... شبه بعض جداا ف كل حاجه وتقريباا ف الشكل....شركااء ف كل حاجه ..سليم عنده اخت وحيده " فجر " عندهاا ١٧ سنه وبيحبهاا اكتر من اي حاجه نرجع تاني ... مراد / تمام قفل مراد وفضل سرحان فتره وبعدين قام اخد دش وغير هدومه ونزل فطر وخرج ___________________________________ ف مطعم ع البحر ... قاعده ملك ع كرسي بترتاح من تعب اليووم المديير بزعييق / مللللك ملك بفزع / ايووه ي فندم المدير / انتي بتعملي اي ملك بتوتر / مش بعمل حاجه كنت بستريح المدير بزعييق / والراحه دي بقاا ع حساب ميين .. اتفضلي قومي شوفي الزبااين وطلعي الطلبات دي اومال فالحه بس كل شهر عايزه سُلفه .. يلاااا ملكك بخوف / حااااضرر خرجت ملك بتعب وخلصت شغلهاا ودخلت ع المطبخ وشاافت شكل الاطبااق ف الحوض ملك بتعب / يااربي كل دوول ده انا هفضل هناا للفجرر ..ي رب انا تعبت اووي _________________________________ ف شركه السيووفي خرج مراد من الشركه وركب عربيته فضل ماشي لحد م شاف مطعم .. ركن عربيته ودخل وقعد وكان المطعم تقريباا بيقفل المدير شاافه وراح عنده المدير / حضرتك احنا قفلناا مرااد بغرور / تفتحلي .. لو قافل تفتحلي .. وطلع من جيبه فلوس كتير ورماها ع التربيزه مراد / اظن دول بمعدل ١٠٠ زبون .. اتفضل بقاا من هناا واندهلي الجارسون المدير لم الفلوس بسرعه ودخل المطبخ بس كل الموظفين كانو مشيو الا ملك المدير / ملك... بسرعه اطلعي شوفي الباشا اللي براا طالب اي واعمليهوله بسرعه ملك / بس احناا قفلنا وانا خلصت الشيفت بتاعي المدير بزعيق / انتي تسمعي اللي بقولك عليه.. انتي نسيتي نفسك ولا اي .. ولا نسيتي وصلات الامانه اللي عليكي .. لا فوقي ي ماما ده انا بتليفون ابيتك ف الحبس عمرك كله ... غوري شوفي طلبات البيه ...غووووررري ملك بدموع / حاااضر خرجت ملك من المطبخ بدموع وهي لابسه هدوم متوسخه من غسيل الاطباق وراحت عند مراد ملك / اؤمر حضرتك تطلب اي مراد بصلها من فوق لتحت وبص لهدومهاا / اي دده !! اي المنظر ده هو انتي اللي بتستقبلي النااس !! ده اي المطعم الزباله ده ملك بدموع مراد لاحظهاا / لا حضرتك مش انا اللي بستقبل الناس بس سيادتك جاي بعد م قفلناا والموظفين مشيوو كلهم وانا بشتغل شيفت ايضافي ومفيش غيري يشوف طلبات سعتك .. مراد بهدوء / عايز قهوة ساده ملك / بس مراد / ااه مشت ملك من قدامه ورااحت عملت القهوه بتعب وخرجت بس حست بدوخه فجأه وهي ماشيه لحد م وصلت عنده وداخت اكتر ومن غير م تحس اتكعبلت ووقعت القهوة علي مرااد مرااد بزعييق / اي اللي انتي هببتيه... ده انتي عاامييه ..لما انتي مش عارفه تخدمي اسيادك بتطلعي من المطبخ ليه .. فييين المدييررر ملك بعصبيه / هو في اي ... من ساعه م دخلت وانت بتزعق واسياد مين اللي حضرتك بتتكلم عليهم كلنا ولاد تسعه وانا مش خداامه .. اي يعني اتكعبلت ووقعت مأجرمتش يعني .. واللي عندك اعمله مراد بصلهاا بعصبيه وسابها وخرج وهو ع اخره وملك خلصت واخدت فلوسها وروحت البيت وهي بتشتم فيه __________________________________ ف بيت ملك ملك دخلت البيت وشاافت منظر مق*ف طول عمرها بتشوفه شافت ابوهاا قااعد ومعاه ستات رخيصه وحواليه خمراا ف كل حته حسين شافهاا قرب عليهاا وهو سكران / هااا يختي جبتي الفلوس ملك طلعت الفلوس ورميتهم قدامه ملك / امسك اهم .. ابعد عني بقاا .. ودخلت اوضتهاا اترمت ع السرير وفضلت تعيط لحد م .كراحت ف النوم ع طول من التعب ________________________________ تاني يووم بليل .. خرج مراد من شركته زي كل يوم وفضل يلف بالعربيه وبيفكرر .. وقف بالعربيه ف مكان شبه مقطوع وقاعد سرحاان فجأه طلعوو عليه رجاله كتير بالمسدساات 1/ انزل من العربيه بالراحه ونفضلنا جيوبك ي حلوو مرااد نزل ببرود / والا هتعمل اي .. هتموتني !! يلاا مستني اي .. اض*ب 2 / والله لو مشيت معانا كويس واديتنا كل اللي معااك هنسيبك ف حالك ي ننوس عين مااماا فجأه مرااد لف ض*به بو** وقعه وفضل يض*ب فيه وقام كمل ع الباقي بقاا بيض*ب فيهم بغل بس زي م بيقولوا الكتره تغلب الشجاعه اتلمو كلهم عليه وض*بوه وهو مقدرش يدافع عن نفسه وسابوه مغماا عليه ورموه ع جمب واخدوو العربيه وكل فلوسه وهربوو _________________________________ بعد كام ساعه عند ملك خرجت وهي تعباانه ومش شايفه قدامهاا فضلت ماشيه ف طريق بيتهاا لحد م لمحت حد واقع ع الارض جريت علييه .. وقفت بصدمه ملك / انت!!! شاافت مرااد واقع غرقاان ف دمه جرت عليه عشان تسنده بس هو كان تقيل جداا فضلت تحااول تفوقه شويه لحد م قدر يفتح عينه ملك بلهفه / ارجووك امسك نفسك اقف بس ساعدني عشان اساعدك ...حااول والنبي بس نطلع من المكان ده .. وفعلا مراد اتحامل ع نفسه وسند عليها ووقف ملك / استحمل بس نطلع ع اول الشارع نشوف تا**ي فضلت سندااه لحد م طلعو ع اول الشارع ومراد معتش قاادر يستحمل واغماا عليه ملك شافت تا**ي من بعييد شاورتله ووقفلهاا ملك / ارجووك ساعدني نوديه اي مستشفي .. شيله معايا بسرعه دخلوو مرااد العربيه وودوه المستشفي فعلاا ملك / عايزين دكتوور بسررعه .. حد يلحقه الدكتور/ اهدي ي مدام احنا هنقوم بالازم .. متخافيش اخدوو مراد واسعفوه وفضلت ملك مستنيه اي حد يطمنهاا خرج الدكتور / الحمد الله شويه اصابات بس عالجناها والجروح اللي ف وشه اتخيطت هتااخد وقت وطبعاا بالعلاج هيتحسن عنده ضلعين م**ورين اتعاملنا معاهم هيحتاج يرتاح حوالي ٣ اسابيع وان شاء الله هيبقاا كويس ملك / طب هو فااق ؟ الدكتور / لا طبعاا اخد بنج ومنوم قوي ومش هيفوق قبل بكره الصبح .. تقدري تستريحي ف الاوضه موجود سرير زياده ملك / شكراا فضلت ملك محتاره تبات معاه ولا هي كده عملت اللي عليها تسيبه بقاا وتمشي .. طب تكلم حد من اهله !! بس هو مكنش معاه تليفون .. فضلت محتاره لحد م قررت انها تفضل معاه لحد م حد من اهله يجيله دخلت الاوضه بتاعته وشافته نايم واجهزه كتير متوصله بيه ..دخلت قعدت ع الكرسي جمبه وسندت راسهاا ع الكومدينو اللي جمبه وهي بصاله ومش عارفه تفسر الاحساس اللي جواها .. فضلت سرحاانه لحد م غلبهاا النووم وهي جمبه ... ____________________________ تاني يووم.. فتح مرااد عينيه بوجع وهو مش عارف هو فيين بص جمبه وشافهاا وفضل مصدووم .. كان وشهاا ف وشه افتكرهاا ع طوول وللحظه اتعصب بس افتكر لحظات صغيره وهي بتسنده عشان تنقذه وفضل باصص عليهاا وهي نايمه .. بعد فتره.. صحت ملك بتعب فتحت عينيهاا واتصدمت بعيوونه بتبصلهاا قامت مفزووعه ملك / اا...انناا...ااا..سسففه ..نمت غصب عني مراد / متتأسفيش ..مفيش حاجه ملك / انا كنت عايزه امشي بس ملقتش حد معاك وكمان ملقتش موبايل اتصل بحد مراد بتعب / متتعبيش نفسك انا ماليش حد اصلا ..عاادي شويه جروح وهتروح لحالها ملك / يعني مفيش حد ياخد باله منك ! مراد ببرود / لا ملك / طيب انا اتأخرت ع شغلي ولازم امشي .. حمد الله ع سلامتك مرااد / استني ....انااا... انااا كنت عايز اقولك .. متشكرر ملك / لا ده واجبي مفيش شكر ع واجب مراد / وكنت عايز اقولك كمان اني... اسف ع اللي حصل ف المطعم ملك بطيبه / لا ولا يهمك حصل خيير .. المهم انت خد بالك من نفسك ... ومدت ايدهاا / انا ملك مراد مد ايده سلم عليهاا .. مرااد ملك / يلا انا لازم امشي ...بااي مراد هز دماغه ومردش .. خرجت ملك وراحت ع شغلهاا وبدأت يومهاا بس من الوقت للتاني بيجي ع بالها وبتفكر فيه خلصت شغلها اخيراا وراحت ع البيت حسين / اهلا اهلا ياهانم ياللي دايره ع حل شعرك وبيتالي بره البيت شدهاا من شعرهاا جاامد/ كنتي فيين يااختيي ..هااا كنتي فيين ي بنت ال..... هااا كنتي ف انهي داهيه تاخدك ملك بعيااط ووجع / ك...ننت ف ...الش...شغلل ..حراامم...عليك سيبني حسين / شغل اي ي و..... كنتي فين ي زبااله ...ماشيه مع مين انطقي ... ملك / والله م عملت حاااجه...سيبني بقااا حرااام حسين وهو بيض*بهاا / انا هوريكي بقاا الحررام بجد طبعاا وانتي هتطلعي شمال لمين م هو للي جيباكي بس والله لهوريكي اناا بقاا هبيعك للي يدفع فيكي اكتتر واهوو بردوو ابقاا استفدت منك بدل شويه الملاليم اللي باخدهم منك .. اتفووو ملك بعيااط / ارحممننيي...ابووو..س اييدكك وفضل يض*ب فيهاا لحد م اغماا عليهاا وسابهاا مرميه ع الارض وخرج ________________________________ تاني يوم... فاقت ملك الصبح وهي ف مكانهاا ومش قادره تتحرك .. كل جسمها بيوجعهاا .. فضلت تعيط لحد م ضغطت ع نفسهاا وقامت عشان تروح شغلهاا بصت ف المرايه وشافت وشهاا كله كدمات وعنيها وارمه غيرت هدومها وخرجت راحت شغلهاا وكل اللي يشوفها تصعب عليه ويصعب عليه حالهاا المدير شافهاا وصعبت عليه وخاصة انها مش قادره تقف ..اداها باقي اليوم اجازه وقالها ترتاح ملك مكانتش مصدقه نفسهااا وشكرته كتيير بس طبعاا مفيش حد بيعمل حاجه من غير مقاابل المدير / هسيبك النهارده بس بعد م تخفي هتشتغلي ضعف اليوم ده من غير فلوس ملك بحزن / حااضرر خرجت ملك محتاره تروح فين مش هتقدر ترجع بيتهاا عشان ابوهاا اكيد جايب ستات هناك وهي مش مستعده تشوف المنظر ده دلوقتي خطر ع بالها مراد وف لحظه قررت تروحله ونست شكلهاا وآثار الض*ب وقررت تروح تطمن عليه ___________________________________ عند مرااد مراد / خلاص ي سليم معنتش قاادر سليم / معلقه واحده بس ي مراد .. لازم تاكل عشان تخرج من هناا وتبقاا كويس مراد / محسسني انك بتكلم عيل صغير .. المهم اخبار الشغل اي سليم / متشغلش بالك ..كله تمام والفلوس اتحولت و..... قاطع كلامهم الباب بيخبط.. ودخلت ملك ملك / انا اسفه لو قطعت كلامكووو.... مرااد بإستغراب / ملك!!!! سليم / طب استأذن اناا وهعدي عليك بليل خرج سليم ودخلت ملك مرااد / اتفضلي اقعدي ملك / ازيك دلوقتي مرااد / الحمد الله احسن ... ملك / اللي كان هنا ده اخوك ! مراد / لا صاحبي.... انتي مالك اي اللي عمل فيكي كده ملك افتكرت شكلها وبلخبطه / هاااا ...لااا..مفيش ..انااا..اتخبطت بس مراد بتريقه / هه اتخبطي ف قطر ولا اي .. ضحكت ملك وحاولت تداري الموضوع بس مراد متدايق وعايز يعرف اي اللي عمل فيهاا كده مراد / لو مش عايزه تقولي مش لازم انا مش هضغط عليكي ملك بتوتر / هااا...اااه...دده ..ده باباا ..ض*بني مراد بصدمه / ابووكي !!! ازااي ...ازااي يض*بك بالوحشيه دي وازااي مدافعتيش عن نفسك ...ازااي جاله قلب ملك وكانت ع وشك انها تعيط / هو كان عنده حق عشان نمت بره البيت بس حصل خيرر ... مراد / يعني كل ده بسببي ملك / لا لا ... حصل خير عاادي انا متعوده ع كده مراد بعدم فهم / متعوده ع اي !! ع الض*ب ؟ ملك بلخبطه / هااا...لااا..اكيد لاا يعني ...المهم انت هتخرج امتاا مراد عرف انها بتغير الموضوع وانها وراها حاجه مخبياها واصر يعرفهاا مرااد / اسبوع كده ملك / طيب انا لازم امشي مراد هز دماغه ومتكلمش وملك خرجت مراد رجع بدماغه لوراا وافتكر حياته وهو صغير ________ flash back_________ مرااد كان ولد عنده ١٥ سنه / حرااام علييك ي باااباا...اااااهه ...اااااه الحقيني ي ماااماا...ااااه حسن وهو بيض*به بقسوة / اخرس ي كلب وانت فااكر امك دي هتقدر تبعدني عنك مرااد بص لفوق ع السلم وشاف امه قاعده بتتف*ج بدموع ابوه فضل يض*ب فيه ويعذبه وف الاخر حبسه جميله بعياط / حراام علييك مش كفاايه الض*ب والت***ب كمان هتحبسه حسن / يستاهل .. عشااان يخاااف ..لاازم يخاااف جميله / يخااااف من ايييه انت ليه بتطلع عقدك علييه لييه حراام عليك لييه لااازم يخااف لييه حسن مسك ايدهاا بعنف / الخوووف ده حاجه ضروريه من غيير خوووف منقدرش نعييش ف الدنياا جميله / انت انساان مرييض حررام عللليييك حرراااااااام سييب ابني ف حااااله بقاااا بليل بعد م الكل نام اتسحبت جميله بالراحه ودخلت الاوضه وخرجته منهاا جميله / اهرب ي مرااد ..اهرب ومتجيش هناا تااني ابعد عن ابوك المريض ده ابعد من هناا مراد / طب وانتي ي ماما انا خاايف عليكي .. اهربي معااياا جميله / لا ي حبيبي مينفعش لازم حد يفضل هنااا ... اهرب ي مرااد ومتجيش هنااا ي ابني غيير وانت قوي وقاادر تقف ف وشه .. مش بس ف وشه لااا تقف ف وش الدنياا كلهاا متجيش غير وانت مسنود كويس والدنيا سندااك .. والدنياا مبتسندش ي ابني غير ب الفلوس .. عايزه ابني يبقاا قوي ومحدش يقدر يجي عليه ولا يض*به .. اوعدني ي مرراد مرااد / اوعدك ي ماما اني هبقااا قوي ومعايا فلوس كتير وهرجع واخلصك من الراجل ده اوعدك جميله اديته شنطه فيها فلوس ودهب /خد الفلوس دي خليها معااك وخد الدهب ده هيساعدك لحد م تقف ع رجليك .. هتوحشني ي مرااد مرااد بعيااط / وانتي كماان ي ماما هتوحشيني اووي جميله / امسح دموعك .. عيزاك تعرف ان دموعك دي غاليه وعمرك م تنزلها غير ع حاجه تستاهل .. فاهم ي ابني مراد / فاهم جميله / ربنااا معااك ي ابني خرج مراد من البيت لقدره اللي مش عارف مخبيله اي وهو مقرر انه هيرجع قوي ومحدش هيقف ف طريقه ___________Back__________ نزلت دمعه من عين مرااد مسحهاا بسرعه واتن*د بالراحه ع ع** اللي جوااه مراد / مهما عملت مش هقدر انساا المااضي هيفضل يطاردني اناا مكنتش عايز ابقاا كده انا اسف ي امي .. بس دي كانت الطريقه الوحيده عشان انفذ وعدي ليكي ___________________________ ونكمل البارت الجااي توقعاتكم #شهد_محمد ❤ مراد كان يقصد اي بكلامه واي هي الطريقه دي اللي بيتكلم عنها !؟