مُغَيّرَتي

الفصل الثالث " بيع وشرا " ?

حين تفتقدني..... لا تتعب ننفسكَ في البَحث كثيراً '' 'فَقط إسأل يَد*ك أين دَفَنتَني آخر مرّة?

________________________________

ملك فضلت بصاله بصدمه مش عاارفه تعمل اي ولا تروح فين بس كل اللي فكرت فيه انها لازم تهرب

وفعلا قامت بسرعه وخرجت من الاوضه وقبل م تخرج من الشقه افتكرت الورقه اللي مضت عليها وراحت تدور عليها ولقيتها ع التربيزه اخدتها بسرعه وقطعتهاا وخرجت من البيت وفضلت تجري ف الشوارع خاايفه ابوها يشوفها

ملك وهي بتجري : ي رب انا مكنش قصدي والله اعمل اي دلوقتي اكيد البوليس هيعرف وهيقبضو علياا اروح فين ي رب ولو رجعت شغلي اكيد ابويا هيجبني انا لازم اشوفلي حته اقعد فيهاا

_______________________________

ف مكتب مرااد

مراد متعصب وبيزعق ف الموظفين

مراد واقف وسط ملفات كتير بعصبيه : يعني اي الملف مش لاقيه .. صفقه كبيره زي دي ملفهاا يضيع ازااي ي بهاايم

انا مش قايل تشوفو سكرتير غير الحمااار اللي كان شغال

موظف ١ : ي فندم احنا فعلا نزلنا اعلان ف الجرايد وبكره هنختار حد ويبدأ شغل

مراد : تقلبولي المكتب ده ع الملف وتبعتهولي ع البيت احسنلكم وحد يرتبلي الملفات دي انا قاعد ف سوق مش في مكتب

خرج مراد وركب عربيته وروح البيت

___________________________________

ملك فضلت ماشيه ف الشوارع وهي ماشيه خبطت ف بنت غصب عنهاا

البنت بوجع : اااه حاسبي ي بنتي

ملك بدموع : انا اسفه جداا مقصدش

البنت : خلاص خلاص حصل خير مالك بتعيطي ليه بس

ملك : مفيش مدايقه شويه

البنت : انتي اسمك اي

ملك : اسمي ملك .. وانتي

البنت : اسمي سلمي.. اي رأيك نقعد شويه وتحكيلي مالك

فضلو قاعدين مع بعض وملك حكتلها كل اللي حصل وسلمي فضلت تسمعها بشفقه وزعل ع حالها

سلمي : ياااه كل ده حصلك واستحملتيه ..

ملك : نصيبي

سلمي : طب انتي هتروحي فين دلوقتي .. عندك حد تروحيله

ملك : لا معنديش

سلمي فكرت شويه وقامت وقفت بسرعه : طب بصي انا عندي حل ... اي رايك تيجي معايا البيت تقعدي معاايا

ملك : لا طبعاا انتي ذمبك اي بس

سلمي : اسمعي بس انا عايشه لوحدي بابا مسافر وانا هنا قاعده ف البيت لوحدي تعالي معايا واهو نونس بعض لحد م تلاقي شغلانه وتقدري تجبيلك شقه ولا حاجه تعيشي فيها

ملك فكرت شويه وفعلا هي مقدمهاش غير الحل ده ووافقت وراحت مع سلمي اللي فرحت جداا ان بقالها صاحبه وقررت تساعدهاا باللي تقدر عليه

البنات روحو واكلو مع بعض وفضلو قاعدين يتكلموو

سلمي : تعرفي انك بنت حلال .. ده في شركه كبيره اوي طالبه سكرتيره انا قرأت الاعلان النهارده اي رأيك تروحي تقدمي

ملك : بس دول بيبقو عايزيين مؤهلات عاليه

سلمي : لا لا كاتبين لا يشترط المؤهل

ملك : تفتكري ممكن اتقبل

سلمي : وليه لا ده انتي زي القمر

ملك : ماشي انا هروح بكره واللي في الخير يقدمه ربناا ..بس انا خايفه ابويا يلاقيني

سلمي : ووهو هيجي ف باله انك هتشتغلي ف شركه كبيره زي دي .. مستحيل يوصلك ده انتي كده هتبعدي عنه اكتر

ملك : مااشي انا هعمل كده

____________________________

تاني يوم ..

سلمي صحت ملك عشان تلحق الانترڤيو وجبتلها فستان من عندهاا ولبستهولهاا وكانت جميله جداا

وملك خرجت وراحت ع العنوان وهي خايفه

واتفاجئت بإن كل اللي مقدمين ع الشغل رجاله

وات**فت جداا

بس قررت تكمل وفضلت قاعده لحد م اجاا دورهاا ودخلت المقا**ه وفضلو يسألوها شويه اسأله وف الاخر قالولها تسيب رقم تليفونها وهيبقو يكلموها

خلصت ملك ورجعت بسرعه ع البيت وحكت لسلمي وفضلت مستنيه ع امل حد يكلمهاا

_____________________

ف مكتب مراد

قاعد قدامه اتنين بيرشحوله اكفأ واحد للشغل

مراد : انا ميهمنيش لا خبره ولا مؤهل انا عايز حد يحافظ ع ملفاتي ويهتم بشغلي ومع الوقت هيبقاا عنده خبرة مش عايز حد فاهم ويقعد يسأل ويطأس ويوجعلي دماغي من الاخر عايز عجينه وانا اللي اشكلها

الموظفين استغربو طلبه بس ميقدروش يتكلمو

موظف ١: تقريبا انا لقيت طلبك ي فندم في بنت قدمت وبنفس المواصفات دي انا شايف انها مناسبه جداا اي رأي حضرتك

مراد : تمام .. حلو ده ابعتولها وخليها تبدأ من بكره

بس زي م قولتلكو عايزها لا بتسمع ولا بتشوف تقول حاضر ونعم وبس .. فهموها كده

الموظفين : تمام ي فندم

وفعلا كلموها وقالو انها هتبدأ من بكره

ملك مكنتش مصدقه نفسهاا خلاص هتشتغل شغل نضيف والدنياا هتبدأ تضحكلهاا

_______________________________

ف اليوم اللي بعده

ملك راحت وبدأ شغلها وفهمت اللي مطلوب منهاا

رتبت الملفات وجهزت كل حاجه ليها علاقه بالشغل وهتعرضهاا ع مديرها اللي لسا موصلش ..

مراد وصل الشركه وطلع ودخل مكتبه واتفاجئ بوواحده واقفه وعطياه ضهرهاا

مراد بعصبيه : هو محدش فهمك ان لما انا بوصل

مبحبش اشوف حد ف مكتبي

ملك دورت وشهاا بخوف : انا فعلا اسفه محدش قاا.......

لحظه **ت بين الطرفين .. مراد مصدوم .. وملك مش مصدقه معقول هوو ..نفسه يكون مديرهاا

مراد : انتي !!

ملك : انت !!

مراد : انتي السكرتيره الجديده

ملك : اايوه .. هي دي شركتك اللي قولتلي عنهاا

مراد : وانتي مكنتيش تعرفي !

ملك : تصدق ولا اهتميت اشوف اسم الشركه اصلاا

مراد دخل وقعد : اممم وفهموكي انا عايز اي بالظبط

ملك : ايوه انا فهمت كل حاجه وان شاء الله اتعلم بسرعه

مراد : تعرفي اني روحت سألت عليكي ف المطعم وقالولي انك مبتروحيش .. وكمان اخدت الملف وفي عنوانك ورقمك وكنت هجيلك ..

ملك بسرعه : لا اوعاا تعمل كده

مراد : ليه .. في اي

ملك : هااا مفيش اصل احنا عزلناا ومشينا وانا دلوقتي قاعده مع واحده صحبتي

مراد : وابوكي

ملك بلخبطه : ممش عاااارررففففه

مراد بشك : طب مكنتيش بتروحي شغلك لي

ملك : ككننت تتعباا..نه شويه

مراد : طب ..انا كنت عايز اقولك ..متشيليش هم ايصالات الامانه اللي صاحب المطعم ماسكهم عليكي ..انا حليت الموضوع

ملك : ازااي

مراد : عادي دفعتهم ..واعتبريهم مكافأه ع اللي عملتيه معايا

ملك : ..بب..سس

مراد : مبحبش الرغي الكتير .. اعمليلي قهوه .. بشرب كل يوم اول م بوصل قهوه مظبوط

ملك : حااضر

خرجت ملك من مكتبه واخدت نفس طويل وهي بتحمد ربناا

وراحت تحضرله القهوه

وبعدها دخلتله الورق اللي محتاج امضته وطول اليوم بيتعامل معاها عادي كأي موظف عنده

واخر اليوم خرج من مكتبه ومشي من غير م حتي يبص وراه

وهي استغربت ازاي بيعرف يبقاا لطيف وفجأه يقلب كده

- وفضلت ملك ع نفس الوضع ٣ شهور لحد م فهمت الشغل وبقاا سهل بالنسبالها كل يوم بتشتغل وتروح بليل تقعد مع سلمي لحد م تنام

_________________________

وف يوم..

مراد وصل الشركه ودخل مكتبه وطلب ملك

مراد : ملك عندنا عشاا عمل بليل ناس مهمين اووي ويهموني كمان بينا شغل ولازم يتم وانتي هتحضري معاياا ك شكل مش اكتر

ملك : شغل اي اللي لازم يتم

مراد بغضب : وبعدين ي ملك هما مش فهموكي انك زيك زي الجماد هناا لا بتسألي ولا بتعملي غير اللي انا بطلبه منك

ملك : ايوه .. انا اسفه

مراد : هعدي عليكي الساعه ٨ تكوني جاهزه

ملك : حااضر

___________________________

بليل

ملك واقفه قدام المرايه بتظبط فستانها وسلمي وراها

سلمي : وفيها اي ي ملك الراجل مش عايز حد يدخل ف شغله

ملك : لا ي سلمي انتي مشوفتيش كان بيتكلم ازاي

سلمي : المهم دلوقتي تركزي ف شغلك وبس

ملك : حااضر

وصل مراد وملك خرجتله وكانت شبه الاميرات

مراد بإعجاب : وااو شكلك حلو اوي

ملك : شكراا

ركبت ملك ووصلو المطعم ودخلوو وملك طول القعده مش مرتاحه للناس دي وحاسه ان في حاجه غلط هي مش فهماها

لحد م خلصوو وقاموو ومراد مبسوط

مراد : اي رأيك نتمشاا شويه

ملك : ماشي

اخدها وفضلو ماشيين مع بعض

ملك : الشغل تم

مراد : ايوه ..

ملك : طب كويس الحمد الله

مراد : مش ناويه تحكيلي حكايتك بقاا

ملك بلخبطه : حح..حكاايه اااي

مراد : انتي فاهمه كويس ..

ملك : انا مش فااهمه انت تقصد ااااا.......

وفجأه ملك وقفت بصدمه وبصت قدامهاا ورجليها اتسمرت ف الارض ومراد استغرب شكلهاا وبص مكان م بتبص وسمعهاا بتقول...

ملك بصدمه : بابا.....

حسين قربلها وبصلهاا بغضب : اهلااا .. كنتي مفكره انك هتهربي مني صحيح وانتي هتجبيه من براا م انتي طالعه لامك ( وشدهااا من ايدهاا جامد ) انجري قداامي انا هسلمك للبوليس عشان الراجل اللي بين الحياا والموت ده .. اما بيعتك لكلاب السكك وقبضت تمنك مبقااش انااا

مراد واقف مزهول من كلام حسين ومش قاادر يفكر .. الماضي كله هاجمه مره واحده وشاف ابوه كإنه قداامه .. وشاف نفسه ف ملك مش قادر يتحرك ولا يدافع عن نفسه

بس فجأه فاق من افكااره ووقف حسين

مراد : استني عندك ... فهمني في اي

حسين : ومين ده كمان .. ده زبوون جديد ده بقاا ولا اي

ملك : اخررس قطع لساانك

حسين اتعصب ورفع ايده يض*بهاا : قطع ل**نك انتي ي وسخه ي تربيهه .......

بس مراد مسك ايده قبل م تتمد ع ملك

مراد : اسمع بقاا .. انا ساكت من الصبح بس واقسم بالله انا ممكن رجالتي يتاووك ف اي حته لحد م يبانلك صااحب وساعتها هتتمني الموت ومش هتطوله

حسين بخوف : لي بس كده ي بيه .. دي بنتي وبربيهاا يرضيك ض*بت جوزهاا وهو دلوقتي بين الحياا والموت

مراد : جوزهاا !!

ملك بعيااط : لاا متصدقوش .. هو اللي غصبني وباعني ليه وقبض التمن .. باع بنته عشان الفلوس

حسين : اخرسسي .. اومال كنتي مستنيه اي اطبطب عليكي واانتي كل يوم مع راجل .. قولت ينوبني من الحب جانب واهو استفاد برضوو ولا اسيبك تكوشي ع كله م انتي زي امك بالظبط

ملك : اناا وامي اشرف منك ومن امثالك ...

حسين شدهاا بعنف : طب يلا يختي عشان في بيعه تانيه مستنيه ع نار وهتدفع اضعاف اللي طلبته

وهنااا مرراد خرج من سكوته

مراد : مليون جنيه

حسين بصدمه : نعم

مراد : مش انت بتبيع !! وانا اشتريت ..

________________________________

ونكمل بكره

توقعاتكم

#شهد _ محمد ❤

ي تري ممكن مراد يصدق كلام ابوها ..وليه هيعمل كده وهينقذها منه !؟