مُغَيّرَتي

الفصل الثاني " قتل "?

ليت الجروح مثل المطر .. تزول ولا تترك اثر ?

_________________________________

رجعت ملك البيت وشافت ابوها قاعد

حسين / اعملي حسابك ان في ضيوف جايين بكره تخلصي شغل بدري وترجعي عايزك تلبسي وتتزوقي كده

ملك / انت بتقول اي .. ومين اللي جاي

حسين / نااس تقال اووي ولو عجبتيهم هيدفعوا فيكي مبلغ محترم يعيشني ملك

ملك بصدمه / انت هتبعني

حسين بقسوه / اهو ينوبني من الحب جانب ي حلوه استفاد بدل م يتستفادي لوحدك

ملك بدموع / انت اكيد من انسان حراام عليك انت بتعمل فياا كده ليه

حسسين مسك ايدهاا بعنف / حوشي الدموع دي للي جااي ودموع التماسيح دي مبتدخلش عليا اصلا متعود عليها من امك هه

ملك دخلت اوضتها ورمت نفسها ع السرير تعيط .. السرير اللي شهد ع كل وجعها ودموعها اللي شهد ع ض*بهاا وحبسهاا بالايام من غير اكل ولسا بيشهد

________________

تاني يووم ...

نزلت ملك ع شغلهاا وهي بتفكر هتعمل اي ..هتقف ف وش ابوها ازااي

لحد م خلصت شغلها بدري وقررت تروح تطمن ع مرااد او تطمن نفسها بيه

دخلت ملك لمراد وقعدت وهي سرحاانه وهو استغرب مش من عادتها تدخل كده بهدوء

مراد / مالك زعلانه ليه

ملك بإنتباه / هاااه .. لا ابدا مش زعلانه انا اسفه سرحت شويه ... انت اخبارك اي وصحتك عامله اي دلوقتي

مراد / الحمد الله انا اصلا خارج بكره زهقت من القعده دي .. والحمد الله انا اصلا بقيت كويس

ملك / طب الحمد الله .. ها بقاا احكيلي انت بتتشتغل اي

مراد / انا عندي شركه استيراد كبيره لو تسمعي عنها اسمهاا M.S

ملك / انا مليش ف الجو ده اوي ... بتستورد اي

مراد بزعل نسبي / بستورد عربيات مخصصه وقطع غيار

ملك / ااااه .. ربنا معاك

مراد / وانتي بقاا بتعملي اي .. ساكنه فين صحيح

ملك / انا بشتغل جارسونه ف المطعم وباخد شيفت اضافي عشان محتاجه الفلوس سااكنه ف حارة (....) مع بابا

مراد مسك ايدها بحب / اومال انا ليه حاسس بحزن ع طول ف عنيكي

ع فكره انتي ممكن تحكيلي ومتخافيش .. انا اقدر احميكي من اي حد

ملك / لا انا بس راجعه تعبانه ..

مراد / طب روحي ارتاحي

ملك بخوف بان عليها / هااا... لا لا انا هفضل هنااا

مراد بشك / مالك انتي ليه خوفتي كده

ملك / لا عادي انا بس مش قادره اروح

مراد / طيب انتي ممكن تنامي هناا ع السرير التاني ده

ملك / شكراا

راحت ملك ع السرير وجواها خووف كبير من ابوهاا ي تري هيعمل اي ... بس بترجع وترد ع نفسها "هه وهو اصلا في اي لسا معملوش " فضلت تفكر ومراد باصص عليها لحد م راحت ف النوم

مراد فضل باصصلها واول مره ياخد باله من جمال شعرهاا الاسود وبياضهاا وبراءتها .. حس انه عايز يحضنهاا ويخبيهاا عن العالم .. فضل باصصلها لحد م نام

___________

تاني يوم

صحت ملك ع كابوس وقامت مفزوعه

مراد قام بسرعه

مراد وهو بيهديهاا : مالك .. في اي .. حصل خيير ده مجرد كابوس متخافيش .. استني هجبلك مايه

شربت ملك وفضلت شويه وبعدين هدت

مراد بفضول : حلمتي بإيه

ملك بخوف : مبحبش احكي احلامي ..

مراد : طيب اللي انتي عيزاه .. ع العموم انا خارج كمان شويه الحمد الله الفتره دي عدت ع خير واحب اشكرك تاني ع اهتمامك وانك ساعدتيني وكنتي بتسألي عليا حقيقي انا اتشرفت بمعرفتك

ملك : الشرف لياا .. عن اذنك انا هروح بقاا عشان بابا ميقلقش علياا

مراد : اتفضلي اكيد

مشت ملك خطوه وبصتله تاني

ملك : هشوفك تاني !!؟

مراد بعدم اهتمام : لو لينا نصيب نتقابل هنتقابل

ملك بحزن : طيب .. مع السلامه

خرجت ملك ومشت وهي مش عارفه اي اللي هيحصل ولا اي اللي مستنيهاا من ابوهاا

بعد فترره

وصلت ملك بيتهاا بخووف .. فتحت الباب ودخلت

شافت ابوهاا قاعد ووشه ميبشرش بالخير

واول م شافهاا قام جرها من شعرها لحد م وقعت ع الارض وفضل يض*ب فيهاا

حسين : انااا واحده وسخه زيك تعمل فياا كده .. انا تخلي رقبتي قد السمسه قدام الراجل ويفضل مستني لحد م زهق ومشي ده كان هيدفع فيكي ولا ١٠٠ الف جنييه ي فقريه

ملك بعيااط : حراام عليك انت بتعمل كده لييه .. انا عملتلك اي بس

حسين وهو بيشدهاا من ع الارض وبيجرجرها ع اوضتها : وانتي لسا شوفتي حااجه .. ده انا هوريكي النجوم ف عز الضهر .. انتي هتترمي هناا زي الكلاب لحد م الراجل يجي ويدفع ويتصرف بقاا معاكي ع مزااجه

حسين زقهاا ع السرير وخرج وقفل الباب بالمفتاح من براا ونزل

ملك ف اوضتهاا بتعيط : ياارب .. ياارب مليش غيرك انجدني من ايديهم ي رب

_________________________________

عند مراد

مراد خرج من المستشفي ورجع البيت مع سليم

سليم بغمزه : الا قولي ي مراد مين البنت اللي اجتلك المستشفي دي

مراد بضيق : وانت مالك

سليم : خلاص ي عم انا بطمن عليك بس قولت يمكن السناره غمزت

مراد : لا اطمن ي اخويا انت عارف رأيي ف موضوع الحب والجواز ده .. وبعدين شغلي اهم

سليم : لحد امتاا ي مراد لحد امتا هتفضل كده

مراد : لحد م ابقاا اقوي واحد ف السوق .. لحد م اقدر اقف ف وش اي حد

سليم بحزن : انت لسا عايش ف الماضي ي مراد .. عمرك م هتخرج منه

مراد : محدش بينساا نفسه ي سليم والماضي ده نفسي .. هو اللي قواني

سليم بحزن : ياما نفسي نطلع من اللي احنا فيه ده و نعيش زي الناس ماهي عايشه

مراد بغضب : تااني ي سليم !! تااني!!

انا سبق وقولتلك انك لو عايز تمشي .. امشي انا مش مانعك ولا جابرك ع اللي احنا فيه .. بس انا عمري م هبطل غير وانا قادر اقف ف وش كل الناس .. اللي احنا بنعمله ده هو اللي هيكبرناا بسرعه هو اللي هيخلينا اقوي هو اللي هيطلعنا فوق

سليم وهو خارج من البيت : غلبت معاك ي مراد واللي ف دماغك مبيتغيرش .. روح ي شيخ ربنا يبعتلك واحده تغير حياتك

مراد بصله ومردش وخرج سليم بخيبة امل زي كل مره بيحاول فيها يغير وجهه نظر صاحبه وبيفشل

__________________________________

عند ملك ..

عدت ٣ ايام ع ملك وهي محبوسه ف الاوضه وابوها مبيخرجهاش منها

وف يوم

حسين دخل عليها : اعملي حسابك جوزك هيجي النهارده يكتب عليكي ويدفع

ملك بصدمه : انت بتقول اي !! يكتب عليا ازاي .. انا مش عايزه اتجوز

حسين : ومين قالك يختي انه جواز حقيقي دي حتت ورقه عرفي وهتتقطع اول م ياخد اللي هو عايزه

ملك بصتله بصدمه لدرجه انها مش قادره تنطق ولا ترد عليه

وهو بصلها بق*ف وخرج وقفل الباب

___________

مراد طول ال ٣ ايام ملك بتيجي ع باله ع طول وبيفكر فيهاا لحد م قرر انه يروحلها الشغل بحجه انه بيتغداا ويسلم عليها

خرج مراد ووقف قدام المطعم ودخل .. لكن شاف راجل هو اللي بياخد الطلبات فسأله

مراد : لو سمحت في بنت بتشتغل هنا اسمها ملك

الجارسون : ملك اي ي باشا احنا مفيش اكتر من البنات عندنا

مراد : مش عارف بس هي بتاخد شيفت ايضافي تغسل الاطباق بعد م بتخلص هنا

الجارسون : ااااه عرفت قصدك ع مين .. دي ي باشا مجتش بقالها ٣ ايام اهو والمدير حالف ليطردهاا ويسجنهاا باللي عليها

مراد بصوت خفيف : مجتش ازاي !! اكيد تعبانه هي قيلالي انها محتاجه الشغل يبقاا مستحيل تغيب بمزاجها

طب ناديلي المدير لو سمحت

الجارسون : حااضر ي باشا

خرج المدير لمراد بإحترام

المدير : منور ي باشا اؤمر

مراد طلع فلوس من جيبه ورماهم ع التربيزه

مراد : اظن دول كفايه يسددو ديون ملك

المدير وهو بيلم الفلوس : كفايه طبعاا ي باشا ودي كل الوصولات اللي عليها

مراد : انتو اكيد عندكو ال ملف بتاعها صح ؟

المدير : ايوه طبعا ي باشا ثواني هجيبه لحضرتك

مراد اخد الملف والوصولات وخرج وراح بيته وهو بيسأل نفسه هو ليه عمل كده بس هو حاليا معندوش اجابه

_______________

عند ملك

ابوهاا دخل البيت ومعاه واحد شكله غريب .. واضح عليه انه غني جداا

حسين : اتفضل اتفضل .. انا مجهز كل حاجه الورق اهوو جاهز ع امضتك

الراجل مضي ع الورق وحسين دخل لبنته وخلاها تمضي بالعافيه

حسين خرج من الاوضه وساب الورقتين ع التربيزه

حسين : كده كل حاجه تمام ايدك بقاا ع فلوسي

الراجل اداله شنطه كانت معاه ومليانه فلوس

الراجل : كده حقك وصل .. سيبني بقاا اخد حقي

حسين : البيت بيتك انا هخرج واسيبك تاخد راحتك

بالسلامه ي بااشاا البشوات

حسين خرج من البيت والراجل قرب من اوضه ملك اللي كانت قاعده ع الارض ف زاويه الاوضه وكاشه ف نفسهاا وحاضنه رجليها بإيدهاا

الراجل دخل وقرب : اي الجمال ده بس تعالي ي حلوه متخافيش

ملك قامت بسرعه وزقته بعيد عنها : ابعد عني ي حيوان

الراجل يغضب : انا حيوان ي بنت الكلب طب والله لهوريكي وهاخد منك اللي انا عاوزه

زقها ع السرير بعنف وفضل يقربلهاا وهي تبعده وتزق فيه فضلت تعافر معاه لحد م شافت ابچوره جمب السرير

فضلت تحاول توصلها وهي يتزقه وتبعده عنها وهو فوقهاا لحد م وصلتلها و**رتهاا ع دمااغه

والراجل وقع جمبها ع السرير سايح ف دمه

ملك بخوف : ي نهاار اسود .. مااات !!

__________________________

ونكمل البارت الجاي

توقعاتكم

#شهد_محمد❤

ملك هتعمل ايه .. وياتري الراجل ده مات فعلا !؟