Hanna Rolueta’s Point of view
“Anong ginagawa mo dito?” iyan ang matapang na tanong ni Mommy sa akin. Pinanindigan ko na talaga ang pagiging matigas ng ulo ko. Ilang beses na niya akong pinagtatabuyan pero patuloy pa rin akong bumabalik. Hindi ko na nga alam kung ilang balik ko na dito sa ospital. Palaging matatalim na tingin ang ipinupukol sa akin ng mommy ko. Alam ko naman iyon. Kasalanan ko kung bakit nandito sa ospital si Daddy pero gusto ko sanang ipaintindi sa kanila na hindi ko naman ginusto ang mga nangyayari.
Hindi ko na nga alam kung ano ang dapat kong gawin. Ang dalawang kapatid ko ay masama ang loob sa akin lalo na si Lira. Sa tuwing nakikita niya ako ay nagwawala siya at binabato-bato ako ng kung ano-ano. Ininntindi ko na lang siya.
“Mommy,” tawag ko sa kanya at pilit inaa
