Two years in the future…
“Anton!” Napalingon siya nang may sumigaw sa pangalan niya. nakita niya ang kanyang bestfriend na si Jose. Tumakbo ito sa kanya at nakasuot pa ito ng baseball uniform.
“Ikaw pala, Jose. May problema ka ba?” tanong niya. Humihingal itong huminto sa harapan niya.
‘Halika, sumama ka sa akin,” sabi nito sa kanya at bigla na lamang siyang hinatak.
“O-oy teka! Saan mo ako dadalhin?” tanong niya pero hindi na siya sinagot pa ni Jose. Nagpatuloy lang silangtumakbo papasok sa kanilang eskwelahan.
Siya si Anton Monteverde. Isa siyang high school student sa Italy. Labing-limang taong gulang. Isa siyang Pilipino. Ang kanyang mga magulang ay may negosyong restaurant dito sa Italy. Ang kaibigan naman niya na si Jose Velasco ay isa ring Pinoy at magkaklase sila. Ang mga ma
