Mercedes
NAGISING ako at nakahinga nang maluwag nang maramdaman ko ang kamay ni Kirill na nakapulupot sa akin. Ang kanyang dibdib ay nakadikit sa likod ko dahil sa pagyakap niya sa akin.
Dahan-dahan at maingat ko siyang sinilip dahil ayokong magising ko siya. He’s sleeping peacefully beside me. Gusto kong isipin na kagaya ko ay nagagawang matulog ni Kirill nang maayos dahil kasama niya ako. I remember him saying that he rarely sleeps pero sa tuwing magkatabi naman kami ay lagi siyang natutulog.
Inalis ko ang kanyang kamay na nakapulupot sa may tiyan ko, and good thing, hindi naman siya nagising.
Bumangon ako at nagpunta ng banyo upang gawin ang routine ko. Nagbihis ako bago lumabas ng silid. Naabutan ko si Kirill na natutulog pa rin sa aking kama.
Magaan ang loob ko nang lumabas ako.
