Mercedes
NAGISING ako nang ibaba ako sa kama. Napabalikwas pa ako at iniisip na nasa kapahamakan ako. Mabilis ang paghinga ko habang tumitingin sa paligid.
Tumigil ang titig ko sa isang lalaki.
Kirill.
I’m safe.
Nakahinga ako nang maisip na ligtas ako. Parang isang panaginip ang lahat ng nangyari sa akin kanina.
Tahimik lamang kaming dalawa habang magkatitigan kami. Nasa loob na ako ng kuwarto sa bahay ni Kirill.
Inangat ko ang sarili at doon ko naramdaman ang iba’t ibang sakit sa bawat sulok ng katawan ko. Ngayon lang ata nagsi-sink in sa akin na ilang beses akong nadapa at natapilok kanina. Bukod pa roon ay may injury rin ang aking ankle.
“Kirill, ito na ang medical kit.”
Pumasok si Zinaida dala ang medical kit. Makahulugan niya akong tiningnan at umiling ito sa akin. Siguro a
