Mercedes
MATAGUMPAY nga akong nakalabas sa estate ni Kirill. Noong una ay para bang nakuha ko ang tagumpay at ang kasiyahan na makakabalik na ako sa dati kong buhay.
But I was so wrong.
Nadapa ako nang matapilok sa isang malaking ugat ng puno. Lalo kong naramdaman ang pananakit ng aking ankle dahil sa nangyari.
Pinilit ko na tumayo kahit na alam ko na dapat ay hindi ko binibigyan ng pressure ang injured kong paa. Sa ngayon ay ang gusto ko lamang ay makatakas.
Subalit habang tumatakbo ako sa gitna ng kagubatan at hinahanap ang highway, may narinig akong putok ng baril.
Napayuko ako kaya’t tumama ang bala ng baril sa puno na nadaanan ko. Nanlalaki ang aking mga mata at napatigil sa pagtakbo. Napatingin ako sa paligid, wala naman akong nakita.
May pagputok muli ng baril akong narinig.
