Masama ang pakiramdam ko nang gumising ako, alas-siyete pa lang ng umaga ang nakita kong oras sa suot kong relo. Napaaga yata ang gising ko ngayon dahil usually ay alas-nuebe na ako ng umaga nagigising. Nasanay na rin kasi ako sa nine o'clock na gising at buti na lang ay pang-alas diyes pa ang pasok ko sa school.
Nahihiya na nga ako sa abuela ko minsan dahil ako ang laging nahuhuli sa hapag-kainan imbes na makasabay ko pa sa pagkain ng almusal sina grandpa at ang dalawa ko pang pinsan na nakatira sa kanila.
Ang ending, huli akong kakain ng almusal. Malungkot iyon sa totoo lang buti na lang at sinasamahan pa rin ako ni grandma sa hapag para lang ganahan akong kumain.
Nahirapan nga akong mag-adjust noong unang salta ko rito sa kanila. Iyong mga first week ko kasi rito ay panay ang iyak ko
