NAGHIHIMUTOK sa inis ang Donya habang kaharap silang dalawa. Kanina pa sila pinapagalitan lalo na si Lorenzo dahil hindi raw nito ginalang si Mae lalo pa at buntis. Ano na lang daw ang sasabihin ng sanggol lalo na kapag lumaki na ito at nagkaisip.
Napapailing si Lorenzo gusto niyang suplahin ang Lola niya dahil hindi naman malalaman ng bata kung hindi sasabihin. Pero nanahimik na lamang siya dahil nasisiguro niyang tatanda pa ang Lola niya at makakalimutan na nito ang mga nangyari sa nakalipas. Hawak ni Lorenzo ang kamay ni Mae natuwa ang binata dahil walang singsing sa dalire si Mae.
“Lorenzo? Pambihira ka talaga hindi ka nakikinig.”
Siniko ni Mae si Lorenzo kaya nag-angat ito ng tingin.
“La?”
“Apo naman bago mo ligawan si Mae ayosin mo muna ang relasyon n’yo ni Barbara. Kawawa
