NANDITO siya sa harap ng hospital dahil kailangan niyang magpaliwanag kay Lorenzo.
Kung totoo man na mahal siya ng binata tiyak na nasaktan ito sa naabutan kanina. Pumasok siya sa entrance at dire-diretso sa loob. Sumakay siya sa elevator patungo sa third floor.
Nang bumukas ang pinto ay nauna siyang lumabas. Maraming mga pasyente kaya nakisiksik siya patungo na sana siya sa pinto pero agad siyang hinarang ng nurse.
“Ma’am hindi kayo dito puwede.” Hinarangan agad ng nurse ang pinto.
“Pakisabi po kay Dr. Fuentebella si Mae ako nandito sa labas kailangan ko siyang makausap.” Pakiusap niya.
“Sandali lang parang nagresign na si Doc, eh. Tanungin ko muna sa kasama ko.”
Nangunot ang noo niya. Paanong nag-resign?
“Ma’am, nagresign na nga po si doc.”
“Huh? kailan pa? bakit daw?” su
