"Gusto kang makausap ng Daddy mo." Masuyong hinaplos ni Mommy ang buhok ko. Nakadapa lang ako sa kama. Walang sigla na kumilos para magpunta sa garden.
Sinulyapan ko ito na nasa mukha ang lungkot.
"Why? May problema po ba?"
"Punta ka na lang sa library, anak. Hindi ko kasi matawagan si Audrey. Mukhang busy ang kapatid mo. Actually, dapat dalawa kayong kauusapin ng ama mo. Pero dahil wala si Drey, ikaw na lang daw muna." Marahan akong bumangon saka sinipat ang nagusot na damit at bahagyang inayos iyon.
"Tara po." Magkahawak kamay kami nitong lumabas ng silid ko at tinungo ang kinaroroonan ng ama.
Nang marating namin iyon ay inabutan namin si Daddy na kausap si Uncle Javier. Parehong mukhang galit ang mga ito.
Agad na lumapit si Mommy at hinaplos ang likod ni Dad na waring pinaka
