"Daddy," mahinhin ang tinig na kumatok ako sa pinto bago pinihit ang doorknob para buksan iyon.
Inabutan ko ang aking ama na abala sa pagbabasa ng libro. Seryoso ang mukha at waring nakaabala ako nang mag-angat ito nang tingin.
"Anong ginagawa mo rito? Dapat manatili ka lang sa bahay n'yo. Kung gusto mong uwian ka ng asawa mo ay dapat doon ka lang."
"Dad," puno pa rin nang pagkahinahon."Nagpaalam po ako sa asawa ko. Kasama ko rin ang kasambahay, saka po may tinatapos silang report ni Drey sa bahay."
Kumuyom ang kamao nito. Nababakas ko ang nararamdaman nitong galit.
"Bumalik ka!" malakas nitong hiyaw. Napaiktad mga ako sa labis na gulat sa pagsigaw nito.
"Yves!" biglang pasok ni Mommy sa silid. Lumapit ito sa akin at niyakap ako."Pwede ba, 'yang init ng ulo mo ay isantabi mo muna
