إمرأة جمعت بين زوجين

الفصل السادس(6)

(امراة جمعت بين زوجين)

تحرك القطار المتوجه الى الصعيد....والذى ركب فيه يحيى ، وجنى وكان مقصدهم سوهاج

جلس يحيى منهك منهار من أثر الجلد ..يشعر بنيران تشتعل فى جسده ، جنى.. بجواره تنظر له بين الحين والحين بتوتر وقلق وخوفا عليه فوجهه بدأ في الاصفرار ...شاحب جدا ..يتأوه من الألم

همست له جنى بقلق وخوف :

_ معلش يا يحيى استحمل ياحبيبى ..هانت خلاص كلها ساعه ونوصل .

هى ايضا متعبه وفى غايه الإرهاق ..ولكنها تتحامل على نفسها وهى ترى يحيى يغمض عينيه كأنه سوف يذهب فى غيبوبه

جنى:

_يحيى ..يحيى فتح عنيك أنا لوحدى لو اغمى عليك مش حعرف اتصرف

يحيى وهو يشعر ان روحه تنسحب منه :

_ مش قادر ت تعبان اووووي ااااه حاسس انى بموت.

قلبها يخفق باضطراب وقلق هامسة:

_ لا يا يحيى قاوم عشان خاطرى...فتح عنيك يا حبيبي استحمل .

وأخذت تفرك له فى منطقه ما بين حاجبيه حتى يستفيق..فشدد يحيى من قبضته على يدها وهو يقول بضعف :

_متخافيش .. أنا حبقى كويس ..ح حستحمل

جنى وهى ترفع عينيها لأعلى تبتهل إلى الله:

-يارب .. يارب عشان خاطر حبيبك النبى استرها معانا.

??????

إلى أن يصل القطار ...نعود بالأحداث.

عندما ذهب الحراس بيحيى وجنى ..ونبيل ..ذهبوا بهم إلى البدروم وقيدوهم ثم تركوهم يتأوهون من فرط الألم..وانصرفت الأسرة كل إلى مخدعهم.

فى البدوووم

حيث مكان حبس الثلاثه

لقد قيد الحراس الثلاثه ..كل واحد من الثلاثه يبعد عن الآخر بضعة أمتار ،وبعد انصرافهم ..نادت جنى على يحيى وهي منزعجة رأته يترنح برأسه ..من الأعياء:

_ يحييييى ....يحييييى أنت كويس ؟

يحيى وهو يهز رأسه بنعم

جنى موجهة حديثها إلى نبيل:

_خالو.. يحيى شكله تعبان أوووى

قال نبيل بضعف وقد كان متماسكا بعض الشىء :

_ ولاد الكلب رابطينا بعييد عن بعض ..وانا بحاول اهو افك ايدى بس مش قادر رابطينا جامد ..ااااه ..مفيش فايدة يا جنى مش راضي يتفك .

ظلت جنى تبكي بصوت يمزق القلوب.

فقال لها نبيل بشفقة :

_ كفايه يا جنى بطلي عياط.. متخافيش ربنا مش حيتخلى عننا ..خلينا نحاول يمكن حد يقدر يخلص نفسه ويقدر يفك الباقيين .

وظل يحرك يديه المربوطتين خلف العمود ولكن القيد كان قوي .. وفي النهاية وبعد المحاولات الفاشلة التي أرهقتهم استسلمو لمصيرهم ، فقد كانو منهكين من التعب والألم .

مرت ساعتين على الأحداث ..استيقظت جنى. . على صوت أقدام تأتى من الباب

همست جنى بزعر :

_خالو ...خالو ....في فى حد جاى.

فالقى نبيل أذنيه .. وسمع فعلا وقع الأقدام

وظهر صاحب الاقدام ...وعندما رأته جنى اتسعت عيناها بفرحه

جنى : ماما.....ماما ..انتى جيتى ازاى

والدة ندا وهي تهمس وابهامها على فمها يتردد في حركة تحذيرية :

_ اشششش وطي صوتك

نبيل باعياء وضعف :

_ جيتى هنا ازاى يا روحيه

همست ىوحيه بصوت خفيض وهى تفك وثاقهم :

_ كنت قلقانه عليكو ..فنزلت عشان اطمن عليكو واتسحبت .. سمعت الحرس بيتكلمو مع بعض عايزين يعملو شاى ..جتنى فكرة انى أجيب المنوم بتاع بابا ، واحطهولهم فيه، وفعلا رحت جرى اجيب المنوم وال كان معايا عشان أنا البدهولوا كل يوم، ودخلت المطبخ وفتحت الغلاى وحطيت المنوم كله ،وقلت عالبال ما المفعول يشتغل رحت لعماد وصحيته.. واتصلت بام يحيى وخليت عماد يحضر العربيه عالبال مانخرجكم ، وحضرنلكم حاجاتكم المهمه وجيت اهو عشان افككم .

انتهت روحيه من فك وثاقهم.. جنى تحتضن والدتها بحب هامسة:

_ ماما ...حبيبتي ربنا يخليكى لينا يارب

روحيه بتوتر :

_ يلا مش وقتو اسندى جوزك وساعديه

اسندت جنى يحيى من يده ..تألم يحيى من جروحه وصرخ :

_ اااه براحه يا جنى

جنى :

_ اسفة مش قصدي ..حاضر ياحبيبى على مهلك .

واسندت روحيه اخيها ، الذى قال بامتنان _ربنا يخليكى يارب يا روحيه ...انتى انقذتينا .

روحيه : ربنا معاكم .. ويبعد عنكم ولاد الحرام

خرجو إلى الحديقة وصلو بالقرب من السيارة فوجدوا عماد ينتظر هم عند ها ومعه أم يحيى ، كانت تفرك يدها بقلق..وعندما رأت يحيى تسنده جنى وهو فى غايه التعب هتفت بانزعاج:

_ابنى حبيبى يا ضنايا اسم الله عليك إن شالله انا ..ياحبيبي

وانسابت دموع الخوف تحرق وجنتيها

يحيى وهو يحاول الابتسام حتى ينزع عن أمه التوتر:

_ أنا كويس يا ما ما ...متقلقيش.

روحيه: يلا يا عماد ..ركبهم وخليك معاهم وشوفهم حيروحو فين .

عماد : حاضر

ركبت جنى ويحيى من الخلف ..ونبيل بجوار عماد

روحيه لجنى وهى تطل عليها من نافذة السيارة :

_ خدى يا جنى الفلوس دى ودى فيزا كارت رقمها السرى تاريخ ميلادك ، وشنطك وحاجاتك كلها انا جبتهملك وحطيتهم فى شنطة العربيه ..وحطيت شنطه لنبيل حطيت فيها شويه حاجات مهمه ...الحاجات الضروريه. واوراقكم كمان خلو بالكم من نفسكم.

_ نبيل تسلميلي يا روحية يارب

جنى: حاضر يا ماما متلقيش..ربنا يخليك لينا يارب

ام يحيى : ...خلى بالك من يحيى يا جنى

جنى: حاضر يا مرات خالى متخافيش انتي ادعيلنا بس.

ام يحيى : دعيالكم يا حبيبتي والتفتت ليحيى وقالت له:

_خالى بالك من نفسك يا يحيى خالو بالكم من بعض وابقو حاولو طمنونا عليكو

يحيى بضعف : حاضر يا ماما

روحيه: يلا يعماد اطلع ...وحاول تيجى قبل ماحد يصحى

عماد حاضر متقلقيش سلام بقى

وانطلقوا الى محطه القطار.

الحلقه الثانيه عشر

( امراة جمعت بين زوجين)

عندما وصل عماد بهم الى المحطه قال نبيل لجنى:

_ يلا بقى روحي انتى وجوزك وخلو بالكو من بعض وأنا فى أقرب وقت حتصل بيكم عشان اطمن عليكم

جنى : ماتيجى معانا ياخالو

نبيل : مش حينفع ياجنى عشان شغلي أنا حروح ابات عند واحد صاحبى ،كام يوم لحد ما أجهز نفسى للسفر بره

جنى وقد تفاجأت ايه حتسافر ياخالو؟!

نبيل بأسف: مؤقتاً يا جنى لحد ما الأمور تتحسن.

عماد: يلا بقي القطر حيتحرك

نبيل: يلا بقى عشان القطر .. خالى بالك من يحيى .

ثم وجه كلامه ليحيى :

_ ايه ياعم متجمد بقى

يحيى باعياء شديد :

ح حاضر ييلااا بقى ..ممش قادر اقف

جنى :

_حاضر ..يلا بينا.

واسندته أن أن وصلا إلى القطار وعماد يساعده معها حتى صعدوا الى القطار اجلسهم عماد ..ووضع لهم الشنط وقال:

_ يلا بقى سلام ..خالو بالكم من بعض

جنى :حاضر ابقى سلملى على وعد وبوسلى القردة منار الصغيرة ..وماما وبابا.

عماد :خلاص بقى مش وقته الدموع دي وترجل ولوح لهم هو ونبيل ...مودعين جنى ويحيى..بدموع الفراق.

???????????

وصلا القطار اخيرا ويحيى قد بلغ به التعب

يحيى بتعب :جنى مش قادر اققف...ااااااااه

جنى: معلش ياحبيبى ...هانت اول مانوصل الاوتيل حنجيب دكتور عالطول يلا يايحيى ..يلا ياحبيبى شد حيلك شوية.

حوط يحيى جنى كتفها بذراعه ..متكأ عليها يمشى ببطىء شديد...بينما ذراعها تحاوط خصره، فقام رجل شهم وعرض على جنى أن يسانده

الرجل :عنك انتى يا مدام

_ فأخذ ذراع يحيى ولفه حول رقبته

جنى : متشكرة قوي ..لو سمحت حاسب متلمس ظهره عشان فى جروح .

الرجل :متخافيش يامدام

وترجلوا من القطار فوقفوا ليسألها الرجل تحبى اوقفلك ت**ي .

جنى: آه ياريت

الرجل: ومازال يحمل يحيى ...وأشار لأحد الرجال :

مرسى....تعالى

اقترب المدعو مرسى قائلا : أيوة يابوحميد

ابو حميد: اتعب يا مرسى الله يبارك لك وصل ا****عه دول للمكان ال عايزينه وخلى بالك معاهم ومتسبش الأستاذ إلا فى المكان ال عايزه فاهم يامرسى.

مرسى: حاضر من عنيه .

وساقهم الى السيارة (التا**ي) الخاص به ولم يترك الرجل يحيى ، إلا بعد أن ادخله فى التا**ى ,وركبت بجواره جنى وهى تخرج نقود تعطيها لابو حميد الرجل الذى اسند يحيى

ابو حميد :عيب يامدام ....روحى ربنا يسترها معاكى

جنى بنظرة امتنان وابتسامه شكر :

_متشكرة اوووى اووى ..بارك الله فيك.

وكان يحيى قد بلغ به التعب مبلغه حتى أنه بدأ كأنه على وشك الدخول فى غيبوبه .وجنى بجواره.. تمسح العرق عن جبينه بحنان وقلق تحاول افاقته

مرسى صاحب التا**ى :

_على فين يا مدام

_جنى فندق (...) لو سمحت

مرسى: من عنيه

وصلا إلى الفندق ونزلت جنى ..واسند مرسى يحيى وانزله من السيارة ...ولم يتركها حتى دخل معها إلى الفندق

جنى امام موظف الاستقبال:

- لو سمحت عايزة اوضه بسرعه ودكتور من فضلك عشان جوزي تعبان قووي

الموظف:

- حاضر ياهانم ونادى عامل ليأخذ جنى ويحيى ويصطحبهما الى الحجرة :

_اتفضلو يا هانم مع العامل استريحو فى الاوضه وسيبي لنا البطاقه وانا حكتب البيانات براحتى وبعدين ابعتهالك

واعطى مفتاح الحجرة للعامل قائلا له:

_ وصلهم يا محمد للاوضه بسرعه

العامل وهو يحمل الحقائب

_ حاضر اتفضلى يا هانم

جنى : شكرا

مرسى السائق :سبيه يا هانم وأنا حطالعه لحد الاوضه

جنى بامتنان : أنا متشكرة اووووى اوى .

فى الحجرة الخاصه بهم فى الفندق

فتح العامل الحجرة وأدخل الشنط فدخلت جنى أمامه قالت له وهي تسير على السرير:

_هاته ياسطى هنا لو سمحت

طرح مرسى يحيى على الفراش فتألم يحيى لأنه طرحه على ظهره

جنى وهى تأخذه فى حضنها وترفعه

جنى بفزع:

خلى بالك ياسطى ...يحيى حبيبى معلش حالا حيجى الدكتور ونظرت للعامل ..ارجوك ابعتلنا دكتور بسرعه.

العامل :حاض ياهانم.. حالا

السائق: اي خدمة يا مدام ربنا يشفهولك يارب .

جنى : تسلم يارب

السائق: السلام عليكم

جنى: مع السلامة.

زفرت جنى باسترخاء وأخرجت كل التعب والقلق والتوتر الذين ألمو بها منذ ما حدث لهم وحتى هذه اللحظة.

اقتربت جنى منه ونظرت له بحب وقالت: _الدكتور حيجى حالا ياحبيبى.

نظره له بدوره وبادلها الحب وهمس في اعياء:

_بجد حبيبك؟!.

قربت وجهها من وجهه وهمست :

_ عندك شك في كده.

همس هو الآخر:

_ لأ طبعا بس عايز كل شوية أسمعها منك عشان أتأكد انك ليا ومش حتكوني لحد تاني ، ومحدش حياخدك مني وحتفضلي جمبي عالطول.

_ أنا ليك أنت يا يحيى محدش يقدر ياخدني منك غير الموت هو بس ال قادر يفرقنا.

_بعد الشر عليكي يا حبيبتي .

وظلت العيون تعانق بعضها البعض حتى قطعت تلك النظرات المتيمة وصول الطبيب.

وما إن فحصه حتى هتف مندهشا:

_ايه ده يا هانم ؟!مين ال جلده كده ..دى جريمه ..ولازم ابلغ البوليس

جنى وقد اضطرب قلبها: لا من فضلك ارجوك ..بلاش تبلغ البوليس بالله عليك بلاش.

يا ترى الدكتور حيعمل ايه وجنى حتتصرف ازاى

....سهير عدلي..

هذا دعائي لكل واحدٍ فيكم:

الله يبيض وجهك ويشرح ص*رك ويرفع قدرك ويعلي كلمتك ويوفقك في حياتك ويقض عنك دينك ويوسع في رزقك..

رب يبارك لك في عمرك ويجعل محبتك في قلوب عباده، ويسخر لك من تعرف ومن ﻻ تعرف، ويجعلك مباركا في الدنيا ومغفوراً ذنبك في الآخرة.. ويحميك من عين الحاسدين ومن همزات الشياطين..

رب يرزقك برزق ليس له حدود، ويسخر من يقضي مصالحك ويصلح حالك وبالك ويريح قلبك و يغفر لك كل خطيئة علمت بها أو لم تعلم بها..

أسأل الله الكريم أن يصرف عنك شر هذا الوباء ويعطيك الصحه والعافيه و أن يعيذك من زوال نعمته و من تحول عافيته و فجأة نقمته و جميع سخطه، وأن يرضى عنك رضاً ﻻ يعقبه سخط..

رب يرزقك اتباع سنة نبينا ﷺ في الدنيا، ومرافقته في الآخرة.. ويحشرني وإياك في زمرة القرّاء والعلماء والشهداء..

️آمين?

وحشتوني والله

إلى اللقاء