Sasha's POV
Hawak-hawak ni Denver ang braso ko ngayon nang tuluyan na kaming lumabas ng sasakyan niya. Nagulat ako nang bigla na lang siyang yumuko sa aking harapan atsaka ako binuhat na parang sako.
"Denver, ano ba! Anong ginagawa mo?!" Sigaw ko sa kanya na ngayon ay deretso lang na naglalakad papunta sa kanyang bahay.
"Stay still, Sasha kung ayaw mong mahulog." Payak niyang wika nang makapasok na kami.
Kaagad niyang tinahak ang ikalawang palapag ng bahay niya atsaka nilakad ang mahabang pasilyo ng kanyang mansyon. Kinakabahan ako nang lumagpas siya sa kwarto niya.
"S-San mo 'ko dadalhin?! Ibaba mo nga ako, Denver! Hindi ako nakikipagbiruan sa'yo!" Nag echo pa ang boses ko rito sa buong palapag ng kanyang bahay.
"You think I'm fooling around?" Aniya atsaka iniapak ang mga paa sa
