Sasha's POV
Nakauwi na ako at nagcommute na lang kami ni Nicole dahil lasing na nga si Tiya Nelly. Nasa labas na ako ng mismong unit atsaka tuluyan ng pumasok sa loob.
Nakapatay na halos lahat ng ilaw dahil mag-aalas diyes na rin ng gabi. Napahinto ako sa may sala nang may nakita akong bulaklak na nakapatong sa ibabaw ng center table.
Kanino 'to galing?
Nilingon ko ang silid ni Sandro at nakapatay na rin ang ilaw niya sa loob. Tatanungin ko sana ang kapatid ko kung sino ang nagbigay ne'to pero mukhang hindi na ata kailangan.
May maliit na card ito na nasa gilid kaya binasa ko ang nakalagay doon.
I'm sorry I wasn't present today at work. Babawi ako bukas, pangako.
-Collin
Kinuha ko ang isang dosenang bouquet ng rosas atsaka 'yon inamoy bago ako nagpunta sa kusina para kumuha
