"Ipagpaumanhin n'yo na mga kaibigan kung pansamantala tayong titigil sa ating trabaho. Huwag kayong mag-alala dahil buo ang sahod ninyo. Nais lang naming magsagawa ng panalangin para sa may-ari ng KOTN," ani Lolo Darwin.
"Wala pong problema, Tata. Sasali po kami sa isasagawa ninyong prayer meeting para sa mag-amang nasa Thailand. Ang tagumpay niya ay tagumpay din ng bansa natin kaya't wala pong problema," tugon ng isang trabahador.
"Tama po si Kuya Pablo, Tata. Huwag po kayong mag-alala dahil ngayon din ay mananalangin po tayong lahat," segunda pa ng isa.
Kaya naman laking pasasalamat nina Lolo Darwin at Lolo Amor na naging madali lamang ang pakikipag-usap sa mga ito. Sa bilang ng mga trabahador sa ipinapatayong KOTN ay walang hindi sumali sa isinagawang prayer meeting para sa mag-amang
