Iginiya siya ni Ken papasok sa malaking mansion. Sinalubong sila ng dalawang kasambahay na parehong naka-uniform at nakangiting bumati sa kanila.
“Good evening po, Sir, Ma’am!” halos sabay na bati ng dalawa. “Nasa dining room na po ang Daddy n’yo at hinihintay na kayo.”
Tumango naman ang binata at tinungo ang itinuro ng mga ito pagkatapos magpasalamat. Hawak pa rin nito nang mahigpit ang kamay niya hanggang sa makarating sa dining room at naabutan ang isang lalaking nakaupo sa kabisera at sa gilid nito ay isang may edad na babae.
Tumingin ito sa gawi nila habang nananatiling nakaupo at sinusundan ng tingin si Ken habang papalapit sila sa kinaroroonan ng mga ito samantalang ang ginang naman ay nakangiting tumayo at masayang sinalubong sila. Nginitian niya ito at binati samantalang si Ke
