Nakangusong lumabas si Mia ng banyo. Tiningnan niya ang sarili suot ang malaking polo ng nobyo na umabot hanggang hita niya. Naiinis siya dahil hindi nito sinabi na may balak pala ito na mag-overnight sila at mag-sail kinabukasan. Wala naman sanang problema sa kanya kaya lang ay wala siyang dalang damit. Katwiran nito ay mabilis lang magpabili ng mga damit at gamit na kailangan niya.
Naabutan niyang nakadapa sa kama si Ken habang nakaharap sa nakabukas na laptop at mahina ang boses na sumasabay sa kanta. Sumandal siya sa frame ng pinto at tahimik na pinakinggan ang pagkanta nito sa musika ni Ed Sheeran na ‘Perfect’.
Nawala ang kunot sa noo niya at unti-unting napangiti at wala sa sariling kinagat ang labi. Ngayon niya lang nalaman na maganda pala ang boses nito. Napapikit siya dahil pa
