CHAPTER 7
NIGHTMARE
MALALIM na ang gabi pero dilat na dilat pa rin ang mata ni Arabella. Mailap sa kaniya ang tulog kahit ano'ng pilit niyang matulog. Her mind was wandering somewhere else. Balisa siya at hindi niya maintindihan kung bakit.
Napilitan siyang bumangon at bumaba sa kusina para uminom ng tubig. Nakaramdam siyang bigla ng pagkauhaw. Ngunit pagtayo niya ay bigla siyang naliyo. Saglit niyang pinahupa ang hilo, at nang maging ayos ang pakiramdam ay lumabas siya ng silid at tumuloy sa kusina.
Pagpasok sa kusina ay agad siyang kumuha ng baso at nagsalin ng tubig at uminom. Sinipat niya ang orasang nakasabit sa isang sulok, alas doce na ng hatinggabi. Napahugot siya ng malalim na hininga at hinila ang isang silya at naupo. Pakiramdam niya ay hapong-hapo siya.
Marahil ay napag
