"WHAT?" Tanging tinig ni Gracie ang narinig na nag-react sa loob ng bus matapos na mag-anunsyo ang lalaking nakatayo sa gawing harap malapit sa pinto ng bus na nakasuot ng black slacks at white polo shirt na tila kunduktor sa bus na 'yon— kahit hindi naman at may logo ng FueLab ang bulsa ng polo nito, na maghiwalay raw ang mga lalaki at babae ng upuan.
Sa gawing kanan ang mga lalaki at sa gawing kaliwa naman daw ang mga babae utos daw 'yon ng director ng Fuego Corp. para maiwasan daw ang hindi magandang pangyayari na alam naman na nila kung ano, sa haba ng byahe nga naman kasi ay hindi imposible na may makatulog sa mga taong sakay ng bus. Inanusyo rin nito na ang upuan sa gawing likod ay panatilihin na bakante para sa kahuli-hulihang tao na hinihintay nilang sumakay para makabyahe na sil
