MALAYO pa lang ang bus na sasakyan nila papunta sa Tarlac ay natanawan na ni Martin ang pamilyar na lalaki na pupusta siyang hanggang ngayon ay nasa puso pa ng kaniyang madamdamin na Madam na si Yana. Nauna na kasi siya sa waiting shed sa labas ng Fuego Corp. at bumalik si Yana sa loob niyon para utusan ang isa sa guard do'n na kunin ang naiwan nitong neck pillow sa office nito.
Napangisi si Martin nang makinita niya ang magaganap sa bus na 'yon 'pag na-chismis na niya kay Yana ang ganap. Nakagat ni Martin ang straw ng iced coffee niya upang itago ang hindi niya maiwasan na pagngisi at baka sabihin o isipin ng mga taong nagdaraan sa harap niya at nababaliw na siya.
Ilang minuto pa ay natanaw na niya si Yana. Dahil nga papunta sila ng Tarlac at mahaba-haba pa ang byaye nila, nakasuot la
