PAGKALAPAG nila sa Tarlac ay nabunutan ng tinik sa lalamunan si Stefano at naging panauhin ng alkalde ro'n si Yana kaya malaya siyang nakakilos sa mga dapat niyang ikilos do'n. Sumama siya ro'n dahil sa mga pharmacologist pero dahil unang araw nila ro'n ay normal lang na makigalaw siya katulad ng mga tauhan ng FueLab gaya nang nais niyang mangyari. Besides, hindi rin naman siya pumayag sa nais ni Stephen Fuego na ipakilala siya bilang anak nito sa kompanya nito.
Siguro ay talagang bumabawi si Stephen sa kaniya kaya mistula lang na sunod-sunuran 'to sa mga gusto niya o maaari niya namang isipin na masyadong abala 'to para pagtuunan ng atensyon ang anak na hindi naman nito nakilala at nakasama.
Nah, wala siyang pakialam dito. Wala siyang pakialam kahit hindi siya nito intindihin. Ang mga
