MATAGAL na natigilan si Kuya Ram at hindi nakakibo. Nakatingin lang siya sa akin, wari'y binabasa ang saloobin ko. Maya-maya pa ay marahan siyang tumikhim at nagsalita.
"Are you sure about your decision, Chay?"
Lumunok ako. "Pero... may isa lang akong hihilingin sa'yo kapag ikakasal at naikasal na tayo."
"What is it?"
"Hindi pwedeng malaman ng Itay ko na isang Edades ang magiging asawa ko."
Nagsalubong ang mga kilay ni Kuya Ram. "But why?"
"Dahil ayaw kong dumating ang sandali na ikaw naman o si Ma'am France ang guguluhin niya," sagot ko. "Ayaw kong bigyan si Itay ng pagkakataong ilapit ang sarili niya sa inyo. Kilala ko siya. Kapag alam niyang makikinabang siya ay hindi niya palalampasin ang pagkakataon. Kaya hindi niya pwedeng malaman na galing sa mayamang pamilya ang pinakasalan
