BUONG akala ko, matibay na ako. Buong akala ko, tanggap ko na ang nangyari. Mula nang magkita kami ni Royce, alam ko sa sarili kong kinaya ko siyang harapin sa paraang hindi ako nagpapakita ng kahinaan. Ayaw kong ipakita na sobra niya akong nasaktan. Ang tanging gusto ko ay maunawaan niya na galit ako sa ginawa niya at hindi ko 'yon basta malilimutan.
Nagkamali ako. Napatunayan ko na hanggang ngayon pala ay nasasaktan pa rin ako. At alam kong hindi ko iyon naitago kay Royce kahit wala akong sinabi kanina. Nagmahal ako. Umasa at iniwan ng taong akala ko ay makakasama ko sa buong buhay ko. Nadurog nang husto ang puso ko dahil kay Royce. Sinira ng nag-iisang lalakeng minahal ko ang paniniwala ko sa kagandahan ng pag-ibig.
"Sinasabi ko na nga ba."
Inilapag ni Tita Josie ang baso ng tubig n
