"SINO ka?" bungad sa akin ng stepmother ni Chay.
"Good morning, Ma'am. Ako si Royce, kaibigan ni Chay," pakilala ko. The woman was shocked. Ngumiti ako. "I hope I'm not disturbing you."
"I-ikaw si... Royce? A-anong ginagawa mo rito?" Sa tanong at reaksiyon nito, nasisiguro ko nang alam niya kung sino ako sa buhay ng anak-anakan niya.
"Uhm... nagbakasakali lang ako na maabutan ko si Chay. I just need to talk to her."
"A-ah, wala rito si Chay," wika nito. I detected panic in her voice. "Naroon na siya sa mansion."
Tumango ako. Isang mahinang iyak ang pumukaw ng atensiyon ko. Lumampas ang tingin ko sa batang nakaupo sa loob ng baby crib.
Parang minamaso ang dibdib ko. Wala sa sariling napangiti ako, pero biglang humarang ang babae sa daraanan at natakpan si Migo. Nabantuan ng tapang
