"SIRAULO ko talaga, Royce! Bitiwan mo nga ako! Babalik ako sa loob!" asik ko habang hatak niya ako palayo.
"Tumigil ka! Ikaw ang nasisiraan diyan!"
Dinala niya ako sa hardin, malayo sa entrada ng mansion kung saan siguradong nagkakagulo at nalilito ang mga taong naiwan sa living room.
"Dito tayo!" Ipinwesto niya ako sa gitna at itinaas ang kamay ko na may singsing. "Marriage proposal, f*ck!" mura niya at sapilitang hinugot sa daliri ko ang singsing. Nakita ko nang itapon niya iyon sa malayo.
"A-anong ginawa mo?" namimilog ang mga matang sambit ko. At marahil sa umaapaw na emosyon ko kanina pa na hindi ko alam kung paano ilalabas ay napabunghalit na lang ako ng iyak.
"Chay-"
Pinagsusuntok ko siya sa dibdib. "Anong ginawa mo?! Bakit mo ba'ko pinapakialaman?! Ano bang pakialam mo sa
