BAHAGYA akong natigilan. Isang mataas na nilalang ang nakatayo sa may pasilyo at wari ko’y sadyang naghihintay dahil naroon na ito paglabas ko pa lang ng kwarto ni Kuya Ram. Suot pa rin nito ang itim na slacks at sapatos, pero nahubad na ang coat at naka-puting long sleeves na lang.
Tuluyan kong isinara ang pinto. Hindi ko alam kung inasahan ko na ang mga ganitong eksena, pero nagawa kong salubungin nang diretso ang mga matang nakatunghay sa akin sa mga sandaling iyon. Bahagya rin akong nagyuko ng ulo sabay bati rito. “Good afternoon, Sir.” Lalampasan ko na rin sana siya nang pigilan ang braso ko ng kamay na tila gawa sa bakal. Napatingin ako sa mga daliri niya.
“What do you think you're doing here?” tanong niya sa mahina ngunit mariing tono.
Itinaas ko ang tingin ko. Nasalubong ko mu
