"OKAY na ba ito sa inyo?" tanong sa amin ng landlady nina Thelma na si Mrs. Mendez. Kasama rin namin ang kaibigan ko nang puntahan ang di-kalakihang bahay na pinauupahan ng babae. Pasado alas nueve na ng gabi. Gising pa at sadyang naghintay sa amin ang landlady dahil nagpauna na si Thelma na may titingin ng bakanteng bahay.
"Sa akin, Chayong, ayos na ito. Dalawa ang kwarto, isa sa inyong mag-ina, ang isa at sa amin nina Waldo," wika ni Tita Josie. Kandong niya ang natutulog nang si Migo.
Hindi na ako nag-isip nang husto. Kailangan na namin ng masisilungan ngayong gabi. "Kukunin na po namin, Mrs. Mendez."
Naupo ako sa silya at mula sa pitaka na inabot sa akin kanina ni Ate Terya ay humugot ako ng labinglimang pirasong lilibuhin. Napag-isip-isip ko, mahihirapan pala kaming kumuha ng ma
