MAGDAMAG kong pinag-isipan ang sinabi ni Aling Rosenda. Ayaw kong lokohin ang sarili ko. Aminado ako, bukos sa malaking kita na tinitiyak sa akin ng amiing kapitbahay, curious ako sa Raphael na tinutukoy niya.
Hindi kaya?
"Sigurado ka ba, Chayong, na susubukan mo ang sinasabing trabaho ni Aling Rosenda?" nag-aalalang tanong ni Tita Josie. "Paano kung... kung..."
"Kaya ko rin gustong subukan, Tita, ay para alamin kung siya nga si Kuya Ram."
"Para ano pa? Nagkamali ka na, Chayong. Iniwan ka ng lalakeng 'yon. Maliban pa sa kapatid kayo sa ama, pero pinatulan ka niya."
"Hindi ako sigurado, Tita, kung alam na niyang anak din ako ni Papa. Ang huli kong nasabi kay Kuya Ram ay ampon ako at walang dugong dela Paz."
Napabuntung-hininga si Tita Josie. Nag-aalalang tumingin siya sa akin. "May n
