"KUNG ano ang pinili mo, 'yon mismo ang pina-arrange ko sa florist. Nakita mo naman siguro sa picture na pinadala ko sa'yo kung gaano kaganda ang bouquet. Sa mga oras na 'to malamang na natanggap na 'yon ni Chay."
"Thanks, Carlito," I replied. "I'm just afraid I can't even drop by to see her. Sunod-sunod ang naka-schedule na meeting sa maghapon. At alam mo naman na wala na si Chay sa mansion bago pa gumabi. Ayaw naman niya akong pumunta sa bahay niya."
"Baka kasi bawal siyang magpapunta ng bisita kaya gano'n. Hindi mo pa nga inaalam kung sino ang mga kasama niya ngayon sa bahay."
"Sa susunod ko na lang aalamin. Honestly, mula nang magkita ulit kami ni Chay hindi pa kami nakapag-usap nang hindi nauuwi sa pagtatalo. Hindi rin niya itinatago sa mukha niya ang iritasyon sa tuwing nakikita a
