MAAGA ulit akong pumasok sa trabaho kinabukasan. Nagpasya akong umalis na dahil tulog pa naman si Migo. Balak ko sana ay igala muna siya sa paligid ng staff house bago umalis, pero mukhang napahimbing ang anak ko. Nagpapalaki siguro nang husto.
Pumunta na ako sa mansion at sa pintuan ng kusina pa rin dumaan. Dahil maaga pa talaga, naabutan ko sina Ate Delia at Neneng na busy sa pagluluto ng almusal. Tumulong na rin ako. Natanong naman ako ni Ate Delia kung kumusta ang pagtira namin sa staff house.
"Okay naman. Maginhawa sa akin ngayon ang pagpasok sa trabaho dahil sobrang lapit lang."
"At malapit ka rin sa anak mo. Kapag hindi ka busy at nami-miss mo ang baby mo, pwede kang umuwi sandali para silipin siya."
Tumango ako at banayad na ngumiti. "Tama ka., pero hindi ko naman iyon gagawi
