"ANO bang gusto mong mangyari? Ang makita siya na magkandarapang pansinin mo? Bakit niya 'yon gagawin kung niloko mo na nga siya?"
Nagsalubong ang mga kilay ko. Nakatanaw ako sa malawak na halamanan nang marinig ang sinabi ni Carlito. He’s a rose farmer. Dating hardinero ng mga Vigliotti na kinuha ko upang gawing katiwala ng mga lupaing ipinamana sa akin ni Papa. I was then already starting my own firm, but we were able to develop the land into a sustainable flower farm. Nagpatayo rin ako ng mga greenhouses. Nag-provide ng ilang tauhan at ng iba pang mga kailangan para sa pag-aalaga at pagpaparami ng mga halaman.
Ibinalik ko ang tingin sa hangganan ng kinaroroonan naming greenhouse. The place had been my favorite spot in this part of the south. One and a half hour drive iyon mula sa offi
