GUSTO kong himatayin sa sinabi ni Kuya Ram. Binawi ko ang kamay ko na hawak niya.
"A-ano?"
Ngumiti siya. Naantala naman ang sunod na sasabihin ko nang mawala sa akin ang kaniyang atensiyon. Napalitan ang ngiti niya ng bahagyang pagsasalubong ng mga kilay.
"Royce. Nandito ka pala."
Hindi ko pinigilan ang sariling lumingon sa aking likuran. Mabagal na humahakbang si Royce patungo sa direksiyon namin ni Kuya Ram.
"How are you, brother?"
Umismid si Kuya Ram. "Nandito ka lang kahapon at nagkita rin tayo. Wala ka bang trabaho sa opisina ngayon?"
Narinig ko ang marahang tikhim ni Royce bago sinagot ang tanong ng kapatid. "Well, honestly there's a lot of work in the office everyday. Alam na alam mo 'yan since naging COO ka ng Franata. But I had an appointment nearby kaya naisipan ko na ri
