"MAGPADALA ka ng masasakyan namin..." rinig kong sabi ni Itay.
Nakaupo siya sa mesa at may kausap sa cellphone. Naroon din kami ni Tita Josie. Magkatapat ang aming silya at maya't maya nagkakatinginan. Kandong ni Tita Josie si Migo. Nasa gilid ko si Waldo na hawak ang laruang truck. Si Iking naman ay tahimik na nakaupo sa may upuang kahoy at nakatingin lang sa amin.
"Hindi kami pwedeng bumiyahe sa bus.... Mahirap na... Okay... Oo! Kahit mamayang gabi na kami makabiyahe... Maghihintay ako...Sige!"
Nakita ko nang patayin ni Itay ang cellphone at pagkatapos ay itago sa bulsa. Iginala nito ang tingin sa buong bahay.
"Dito pala kayo nagtatago. Maayos itong nakuha n'yong bahay, ha."
"Siso... kung anuman ang balak mo, nakikiusap ako. Ako na lang ang isama mo pabalik sa Ibaan Sur. Hayaan
